Булан ылбыт каартатыттан 100 тыһ.солк. бараабыт

ИДьМ Дьааҥытааҕы полиция отделыгар олохтоох киһи сүтэрбит каартатыттан 100 тыһ.солк. тахса харчытын уорбуттарын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ эрдэ сууттана сылдьыбыт 51 саастаах эр киһи уорбаланарын быһаарбыттар.

Быһаарыллыбытынан, бу киһи каартаны булан ылан баран, иһигэр баар харчыны бэйэтэ билбитинэн бараабыт. Араас маҕаһыыннартан арыгы, ас атыыласпыт.

Уоруунан холуобунай дьыала тэрилиннэ.