С.Архипов ыытта
Саха сиригэр бөрө тыа хаһаайыстыбатын салаатыгар ночооту таһаарар, дьоҥҥо да кутталы үөскэтиэн сөп. Онон СӨ Экологияҕа министиэристибэтин “Саха Өрөспүүбүлүкэтин сиригэр-уотугар булт баайын ахсаанын сүрүннүүр миэрэлэр тустарынан” бирикээһигэр олоҕуран, бу адьырҕа кыыллар ахсааннарын сүрүннүүллэр.
Бөрөлөр ахсааннарын сүрүннүүр үлэни тэрийиинэн “Биологическай ресурсалар, ураты харыстанар айылҕалаах сирдэр уонна аан айылгылар дириэксийэтэ” СӨ СБТ Булт кыылын-сүөлүн харыстыыр управлениета дьарыктанар. 2024 сыл алтынньы ыйтан 2025 сыл муус устар ыйга диэри булчут-бөрөһүттэр 35 идэтийбит биригээдэлэрэ уонна 4 мобильнай биригээдэ тэрилиннэ. Маннык биригээдэлэр бу кыыллар ордук элбээбит сирдэринэн көрөн тэриллибиттэрэ көдьүүстээх буолуоҕа.
Ааспыт сылга тэрээһиннээх үлэ түмүгэр 209 бөрө бултаммытын туһунан тустаах управление иһитиннэрдэ. Билигин бөрөһүттэр бу кыылы сонордоһоллор.
Ыытыллыбыт үлэ түмүгүн муус устар ый саҥатыгар Саха сиригэр ыытыллар Булчут күнүгэр таһаарыахтара. Онно куруук бөрөһүттэри түмэн, сэминээр тэрийэр, уопут атастаһар үтүө үгэс олохтоммута. “Саха сирэ” хаһыат эмиэ бөрөһүттэр тустарынан тиһиктээхтик сырдатар.
Хаартыска: С.Архипов ыытта.
2025 сыл ахсынньы 13 күнүгэр 13 чаас 30 мүнүүтэ ааһыыта Арассыыйа ИДьМ Мэҥэ Хаҥалас улууһунааҕы…
Өрөспүүбүлүкэтээҕи Ийэ хапытаалын дьайыытын кэҥэтэр туһунан былырыын Айсен Николаев Ил Түмэҥҥэ туһаайбыт Анал этиитигэр, кылгас…
Бүгүн, ахсынньы 15 күнүгэр, СӨ Бырабыыталыстыбатын уонна Дьаһалтатын салайааччыларын кытары ыытыллыбыт пленарнай мунньахха Саҥа дьыл…
Москваҕа байыаннай дьайыы бэтэрээннэрин "Вместе победим" Бүтүн Арассыыйатааҕы пуорума түмүктэннэ. Саха сириттэн онно байыаннай дьайыы…
Ахсынньы 23 күнүгэр олохтоох бириэмэнэн 12.00 ч. СӨ Ил Дархана Айсен Николаев сыл аайы ыытыллар…
Арассыыйа ИДьМ "Дьокуускайдааҕы" 3 №-дээх полициятын отделыгар дьахтар тиийэн, балыыһаҕа эмтэнэ сытар кииринньэҥ аҕатын "Toyota…