Хаартыска: “Илин эҥээр бөрөһүттэрэ” түмсүү
Саха сиригэр Булчут күнүн көрсө тэрээһиннэр хайы-үйэ саҕаланнылар. Ол курдук, “Булчут сэһэнэ” диэн үүтээн кэпсээнигэр майгынныыр куонкурус онлайн эрэсииминэн ыытыллыаҕа. Бу куонкуруһу СӨ булчуттарын сойууһун бэрэссэдээтэлэ, уопсастыбанньык Н.Е.Колодезников тэрийэр.
Улуустарга «Байанай» күрэхтэһиилэрэ буолуоҕа. Ол кэнниттэн муус устар 5-6 күннэригэр куорат таһынааҕы Хатас сэлиэнньэтигэр “Байанай” XXVII өрөспүүбүлүкэтээҕи күрэхтэһиигэ бастыҥ хамаандалар түмсүөхтэрэ. Манна бинтиэпкэнэн ытыыга, стендовай ытыыга, Калашников аптамаатын хомуйууга, Булт быраабылатын билиигэ уо.д.а. күрэхтэһиэхтэрэ. СӨ Тыа хаһаайыстыбатын уонна аска-үөлгэ министиэристибэтин мунньахтыыр саалатыгар бөрөһүттэр сэминээргэ түмсэн, ким төһө ардай аһыылааҕы бултаабытын, кыһалҕаларын туһунан ирэ-хоро кэпсэтиэхтэрэ, уопут атастаһыахтара.
Муус устар 6 күнүгэр Дьокуускайга Комсомол болуоссатыгар булчут ыттары көрүөхпүт. Бу быыстапка кэмигэр “СӨ уустарын сойууһа” булчуттарга олус наадалаах саха быһаҕын көрүү-быыстапкатын ыытыаҕа.
Эмиэ бу күн Хатаска “Угуйуу-2024” күрэхтэһиитэ күүтүллэр.
“СӨ Хайа булчуттарын кулууба” уопсастыба көмөтүнэн булчуттар трофейдарын быыстапкатыгар сэдэх трофейдары көрдөрүүгэ туруоруохтара.
Муус устар 7 күнүгэр “Сулус” ытар сиргэ “Охотничий снайпинг 2024” диэн бэргэнник ытар булчуту быһаарар күрэхтэһии буолуоҕа. Төрөөбүт айылҕаларыгар сүгүрүйэр, Баай Байанай өрүү мичик гынар дьоно – булчуттар Хатас сэлиэнньэтигэр “Тускул” култуура киинигэр үөрүүлээх тэрээһиҥҥэ мустуохтара.
Онон Булчут күнэ олус киэҥ уонна баай ис хоһоонноох буолара күүтүллэр.
Хаартыска: “Илин эҥээр бөрөһүттэрэ” түмсүү
Таатта улууһун Уолбатыгар быйыл уонтан тахса кыталык кэлэн түспүтүн туһунан суруйан турабыт. Бу сырыыга кыталыктар…
Бу күннэргэ Ис дьыала министиэристибэтин Дьокуускайдааҕы 1 нүөмэрдээх полициятын отделыгар харчытын уордарбыт куорат олохтооҕуттан сайабылыанньа…
Нерюнгри оройуонугар ыам ыйын 14-18 күннэригэр художественнай гимнастикаҕа оскуола оҕолорун Арассыыйатааҕы XII сайыҥҥы спартакиадаларын иккис түһүмэҕэ…
Ол эрээри оппозиция евроинтеграция диэн көөчүктээн майдаан суолун тутуһар диэн этэр политолог Чокуур Гаврильев.
Ааспыт сууккаҕа өрөспүүбүлүкэҕэ буруйу оҥоруу 8 түбэлтэтэ бэлиэтэннэ. СӨ Борокуратуурата иһитиннэрбитинэн, Кэбээйи улууһун Сэбээн Күөлүгэр …
КЧС быһаарыытынан Ньурба куоракка, Дьаархан уонна Октябрьскай нэһилиэктэригэр ыксаллаах быһыы-майгы эрэсиимэ биллэрилиннэ. Бу туһунан олоҕу-дьаһаҕы…