Хаартыска: Александр Назаров, СИА архыыбыттан.
Эрэгийиэн ураты харыстанар айылҕалаах сирдэригэр булт быраабылалара саҥардылыннылар.
Сэтинньи 27 күнүгэр буолбут Ил Түмэн онус пленарнай мунньаҕар саҥа сокуон барылын бигэргэттилэр. Ол быһыытынан булчуттар саас-күһүн уу көтөрүн бултаһар лицензияны төгүрүк сылга ылыахтарын сөп. Бу туһунан Ил Түмэн Сиргэ сыһыаннаһыыларга, айылҕа баайыгар уонна экологияҕа кэмитиэтин бэрэссэдээтэлэ Андрей Находкин кэпсээтэ диэн СИА суруйар.
“Урут саас-күһүн уу көтөрдөрүн бултуурга лицензияны уонна көҥүлү сезон саҕаланыа биир ый иннинэ эрэ ылыахха сөп этэ. Наһаа уочараттаах буолан, булчуттар астыммат этилэр. Саҥардыллыбыт сокуон сыл устата инспекцияларга сайабылыанньаны биэрэри уонна , лицензияны, көҥүлү ылары көҥүллүүр», — диэтэ Андрей Находкин.
Саха сирин 38%-нын ылар, сокуонунан көмүскэллээх ураты харыстанар айылҕалаах сирдэргэ булт быраабылата саҥардылынна. Уларыйыылар өрөспүүбүлүкэтээҕи уонна олохтоох суолталаах булт көрүҥнэрин бэрээдэктииллэр.
“Бу биһиэхэ бултааһыны бэрээдэктиир кыаҕы биэриэҕэ. Саҥа киллэриилэр ураты харыстанар сирдэргэ булт көҥүлүн түҥэтиигэ ирдэбиллэри олохтууллар. Сокуону ылынан, харыстанар сир зонатыгар түбэһэр булт хаһаайыстыбаларын сөбүлэһиилэрэ өрөспүүбүлүкэ харыстанар сирдэрин эрэһиимин кытта утарсыа суохтаахтарын ситиһэбит. Бу улахан суолталаах, тоҕо диэтэххэ харыстанар сирдэргэ хотугу аҕыйах ахсааннаах норуоттара төрүт үгэстэрин тутуһан олороллор», — диэтэ Андрей Находкин.
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…
Лоп курдук 60 сыл анараа өттүгэр, 1966 сыл үүнээри турдаҕына, олохпут хайдах этэй? Бу суругу…
"Дойду бэрэсидьиэнэ Владимир Путин пресс-кэмпириэнсийэтин сүрүн түгэннэриттэн биир дьоһуннаахтарынан, мин санаабар, доруобуйа харыстабылын салаатын каадырдарынан…
Ил Дархан Айсен Николаев быйылгы сыллааҕы түмүктэри таһаарар пресс-кэмпириэнсийэтэ бүгүн, ахсынньы 22 күнүгэр, саҥа үлэҕэ…
Бүгүн, ахсынньы 22 күнүгэр, 05:38 чааска Биир кэлим дьуһуурунай-диспетчер ситимигэр эрийэн, Булуҥ улууһун Быковскай бөһүөлэгэр …