Булчуттарга саҥа судаарыстыбаннай информационнай систиэмэ киириэҕэ

Балаҕан ыйын 16 күнүгэр Ил Дархан Айсен Николаев  бырабыыталыстыбаҕа былаанныыр мунньаҕы ыытта. 

Айсен Николаев быйылгы Илиҥҥи экэнэмиичэскэй пуорум түмүгүн таһаарда. Пуорумҥа киэҥ далааһыннаах үлэ ыытыллыбытын кини бэлиэтээтэ. Улахан суолталаах сөбүлэһиилэргэ илии баттаспыттар, кэккэ көрсүһүүлэр буолбуттар. Пуорум түмүгүнэн Ил Дархан кэккэ сорудахтары биэртэлээтэ.

Өрөспүүбүлүкэҕэ сүөһү, сылгы аһылыгын бэлэмнээһин хампаанньата түмүктэнэн эрэр. Бүгүҥҥү күҥҥэ 91% аһылык бэлэмнэммит. Бурдугу, оҕуруот аһын хомуйуу үлэтэ күүскэ бара турар. Бу күннэргэ түмүктүүргэ үлэни өссө күүһүрдүөххэ наада.

РФ бырабыыталыстыбата булт эйгэтин уонна бултуур сирдэри салайар судаарыстыбаннай информационнай систиэмэни тэрийэр туһунан уурааҕы бигэргэттэ. Систиэмэ 2025 сыл тохсунньу 1 күнүттэн «Гостех» кэлим сыыппара платформатыгар үлэтин саҕалыаҕа.

— Элбэх булчут баар буолан, Саха сиригэр бу тыын суолталаах боппуруос. Бу систиэмэни өрөспүүбүлүкэҕэ киллэрэргэ кэлим үлэни ыытарга уонана булчуттарга киэҥ хабааннаах сырдатар-билиһиннэрэр үлэни ыытарга сорудахтаатым, — диэн Айсен Николаев эттэ.

Маны тэҥэ, мунньахха ититии сезонун, Сэбиэскэй сойуус Дьоруойа Федор Охлопков кэриэһигэр ыытыллар ыраах ытыыга турнирга, Хотугу пуорумҥа уонна Арассыыйатааҕы энэргиэтикэ нэдиэлэтигэр бэлэмнэнии үлэтин туһунан кэпсэттилэр.

Ил Дархан, бырабыыталыстыба пресс-сулууспата.