Хаартыска: Саха сирин Булгуччулаах мэдиссиинискэй страховкалааhын территориальнай пуондата
Ил Түмэн тохсус уочараттаах пленарнай мунньаҕар норуот дьокутааттара 2024 сылга уонна 2025-2026 сылларга былааннанар кэмҥэ Саха сирин Булгуччулаах мэдииссинискэй страховкалааһын территориальнай пуондатын бүддьүөтүн туһунан сокуонугар уларытыылары киллэрэр туһунан боппуруоһу дьүүллэстилэр. Сокуон барылын Саха сирин Бырабыыталыстыбата киллэрдэ.
Доруобуйа харыстабылын миниистирэ Лена Афанасьева иһитиннэрбитинэн, 2024 сылга уонна 2025-22026 сылларга былааннанар кэмҥэ Саха сирин Булгуччулаах мэдиссиинискэй страховкалааhын территориальнай пуондатын бүддьүөтүн туhунан өрөспүүбүлүкэтээҕи сокуонугар уларытыылары киллэрэр туhунан сокуон барыла территориальнай пуонда бүддьүөтүн сүрүн көрдөрүүлэрин чопчулаан биэрэр инниттэн бэлэмнэммит. Дакылааты таһынан иһитиннэриилэри Счетнай балаата бэрэссэдээтэлэ Алена Федорова уонна Ил Түмэн бэрэссэдээтэлин солбуйааччы – Ил Түмэн бүддьүөккэ, үпкэ-харчыга, нолуокка уонна сыана бэлиитикэтигэр, кэтэх бас билиигэ уонна приватизацияҕа сис кэмитиэтин бэрэссэдээтэлэ Юрий Николаев оҥордо.
Сокуон барыла пуонда бүддьүөтүн 2024 сыллааҕы көрдөрүүлэригэр кэккэ уларытыылары киллэрэр соруктаах. Оттон 2025 уонна 2026 сыллардааҕы былааннанар кэмҥэ көрдөрүүлэрэ уларыйбаттар, оннунан хаалаллар. Ити курдук, 2024 сылга пуонда бүддьүөтүн дохуоттаах уонна ороскуоттуур чаастара уларыйбыттарынан уларытыылар киллэриллэллэр. Пуонда бүддьүөтүн дохуота 372 908,6 тыh. солк. эбэтэр 0,6 %-нан улаатан 62 780 326,7 тыh. солк. тэҥнэhиэҕэ, ороскуота 465 053,1 тыh. солк. эбэтэр 0,7 %-нан элбээн, 62 922 471,2 тыh. солк. тэҥнэһиэҕэ.
2024 сыл тохсунньу 1 күнүнээҕи туругунан 41 515,1 тыh. солк. суумалаах пуонда бүддьүөтүн үбүн-харчытын кэлэр сылга биэрэр, тобоҕо мэдииссинэ үлэһиттэрин квалификацияларын үрдэтиигэ туһуламмыт бырагыраамаларынан идэлээх эбии үөрэхтээһини тэрийэр дьаhалларын үбүнэн-харчынан хааччыйыыга туhуланыаҕа, ону тэҥэ 2024 сылга ыйыллыбыт дьаһаллар былааннарыгар сөп түбэһиннэрэн мэдиссиинэ анал тэриллэрин атыылаһыыга уонна өрөмүөннээһиҥҥэ ыытыллыаҕа.
Сокуон барыла бастакы уонна иккис бүтэһик ааҕыыга ылылынна.
Бүгүн, сэтинньи 25 күнүгэр, Саха Өрөспүүбүлүкэтигэр Олоҥхо күнэ бэлиэтэнэр. Олоҥхо саха омук былыр-былыргы дьыллар быыстарыттан…
Сэтинньи 23 күнүгэр Мииринэй оройуоннааҕы полиция отделын дьуһуурунай чааһыгар Надежнайга баар "Вилюй" гостиница таһыгар суол…
Бүгүн, сэтинньи 25 күнүгэр, сорох улуустарга 43 кыраадыска тиийэ тымныйыаҕа диэн УГМС иһитиннэрэр. Киин, соҕуруу,…
Сэтинньи 22 күнүгэр Дьокуускай куоракка биир дойдулаахпыт, киэн туттар киһибит, Саха Өрөспүүбүлүкэтин өрөгөйүн ырыатын хос…
Сэтинньи 23 күнүгэр Усуйаанатааҕы ЕДДС Уйаандьы сэлиэнньэтин баһылыгын солбуйааччытыттан икки киһи сүппүтүн туһунан суһал иһитиннэрии…
Аммалар күндү күтүөттэрэ, Бөтүҥ нэһилиэгин олохтооҕо, тимир ууһа Георгий Олесов-Дьулус Уус сөбүлүүр дьарыга киниэхэ аҕатын…