Хаҥалас улууһун Булгунньахтаах сэлиэнньэтин «Үрдэл» тыа хаһаайыстыбатын оҥорон таһаарар кэпэрэтиибэ хортуоппуйу уонна эти оҥорон таһаарыыга Роскачество сэртипикээтин Саха сиригэр бастакынан ылла. Бу улахан ситиһии «Үрдэл» тыа хаһаайыстыбатын оҥорон таһаарар кэпэрэтиибэ Арассыыйа агропромышленнай комплексын органическай каартатыгар Саха сирин соҕотох бэрэстэбиитэлэ оҥорор.
Сэртипикээти аны күһүн Москваҕа «Кыһыл көмүс күһүн» бүтүн Арассыыйатааҕы бэстибээл кэмигэр туттарыахтара. Бу түгэн Саха сиригэр оҥоһуллар бородууксуйа үрдүк суолталааҕын уонна хаачыстыбалааҕын тоһоҕолоон бэлиэтиир уонна олохтоох фермердэргэ саҥа кыахтары арыйар.
«Бүгүн биһиги тэрилтэбит Роскачество сэртипикээтин өрөспүүбүлүкэҕэ бастакынан ылбытын туһунан үөрүүлээх сонуну туттубут. Билигин биһиги оҥорон таһараар бородууксуйабыт хаачыстыбатыгар эрэллээхпит. Өрөспүүбүлүкэ патеннаах бэрэстэбиитэлэ Екатерина Романоваҕа, ону тэҥэ СӨ тыатын хаһаайыстыбатын министиэристибэтигэр уонна «Сделано в Якутии» урбаанньыттар ассоциацияларыгар бу сэртипикээти ыларбытыгар өйөбүллэрин, көмөлөрүн иһин махтаныахпытын баҕарабыт. Биһиги атын фермердэргэ эмиэ тыа хаһаайыстыбатын бородууксуйатын атыылааһынтан эбии дохуот ылалларын туһугар көмөлөһөргө бэлэммит», — диэн Булгунньахтаах сэлиэнньэтин баһылыга Айталина Васильева эттэ.
Бу ситиһии «Үрдэл» СХПК тутуһар сыалын бөҕөргөтөр эрэ буолбакка, өрөспүүбүлүкэҕэ тыа хаһаайыстыбатын сайыннарыыга саҥа саҕахтары арыйар.
Максим Спиридонов,
Булгунньахтаах оскуолатын дириэктэрэ.
“Субсидия агентствота” тэрилтэ дьиэ-уот хомунаалынай өҥөлөрө от ыйын 1 күнүттэн үрдээбитинэн сибээстээн, үчүгэй баҕайы комикстары…
Бу күннэргэ Өймөкөөн улууһугар алдьатыылаах айылҕа иэдээниттэн эмсэҕэлээбит нэһилиэктэргэ олорор дьиэлэри чөлүгэр түһэрии үлэтэ бара…
Ойуур баһаарын умуруорууга уонна бохсууга илиинэн хаһан минеральнай балаһалары оҥоһуллаллар уонна үрүсээккэ сүгэ сылдьан ууну…
Атырдьах ыйын 4 күнүттэн 10 күнүгэр диэри өрөспүүбүлүкэҕэ Ийэ үүтүнэн аһатыы нэдиэлэтэ ыытылла турар. Аан…
Дьокуускай олохтоохторо уонна ыалдьыттара киэһээҥҥи табыгастаах бириэмэҕэ босхо мэдиссиинэ көрүүлэрин ааһыахтарын сөп. Аахсыйаҕа туох киирэрий:…
Хоту улуустартан кэлбит бөллөхүнэни "Сайсары" бааһынай ырыынагар ыарахан сыанаҕа атыылыыллар. Бу, биллэн турар, былырыыҥҥы хомуур.…