Булгунньахтаахха 100 миэстэлээх саҥа уһуйаан аһыллыаҕа

Хаҥалас оройуонун Булгунньахтаах сэлиэнньэтигэр бу сыл бүтүүтэ 100 миэстэлээх “Кэрэчээн” саҥа дьыссаат аһыллыаҕа. Бу туһунан Үөрэх уонна наука минситиэристибэтэ иһитиннэрдэ.

Бүгүҥҥү туругунан, тутуу 85 % бэлэм буолбут. 1500 кв.м. иэннээх икки этээстээх дьиэ оҕолор сайдаллларыгар аныгы усулуобуйалардаах: астыыр блок, мэдиссиинэ кэбиниэтэ, таҥас сууйтарар хос, муусука уонна успуорт саалата.

“Булгунньахтаах сэлиэнньэтигэр саҥа дьыссааты арыйыы – эрэгийиэммитигэр оскуола иннинээҕи үөрэхтээһини сайыннарыыга дьоһун хардыы. Хас биирдии оҕо хаачыстыбалаах үөрэҕи уонна эргиччи сайдыыны ыларыгар бары усулуобуйаны тэрийэбит”, — диэтэ Саха сирин үөрэҕин уонна наукатын миниистирэ Нюргуна Соколова.

Санаттахха, 2020 сылтан Саха сиригэр 3839 миэстэлээх 36 уһуйаан үлэҕэ киирбитэ.

Билигин 718 дьыссаат үлэлиир, итинтэн 644 – муниципальнай.

Кэнники сылларга өрөспүүбүлүкэҕэ дойду Бэрэсидьиэнэ Владимир Путин көҕүлээбит “Ыччат уонна оҕолор” нацбырайыагынан оскуолалары уонна уһуйааннары тутуу тэтимирдэ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Сиһилии: https://www.sakha.gov.ru/news/13033