Булгунньахтаахха 74 киилэ хортуоппуйу ыһаарылаатылар

Хаҥалас улууһун Булгунньахтаах сэлиэнньэтигэр «Картошка фест» диэн бэстибээл быйыл иккиһин ыытылынна. Манна кыттар хамаандалар барыта холбоон 74 киилэ хортуоппуйу ыһаарылаатылар. Бу туһунан «Саха» НКИХ Хаҥаластааҕы филиала иһитиннэрэр.

Куонкуруска биэс хамаанда кытынна. Кыттааччылар бары 15-тии киилэ хортуоппуйу сууйан бысталаатылар. Дьүүллүүр сүбэ үлэ төһө чинчистик уонна түргэнник ыытыллыбытын бэрэбиэркэлээтэ. Ол хортуоппуйу барытын тэҥҥэ ыһаарылаатылар.

Түмүккэ кыайыылааҕынан «Кэрэчээн» уһуйаан хамаандата ааттанан, Өлүөнэ очуостарыгар сынньана барарга путевканы тутта. Бэстибээл 1-кы Малдьаҕар күннэрин чэрчитинэн ыытылынна.