Булт быраабылатыгар кэккэ уларытыылар киирдилэр. РФ Айылҕа ресурсаларыгар уонна экологияҕа министиэристибэтин 2022 сыл балаҕан ыйын 23 күнүнээҕи 631 №-дээх бирикээһигэр олоҕуран, бу уларытыылар оҥоһулуннулар. Бирикээс сиилэтэ 2023 сыл кулун тутар 1 күнүттэн олоххо киирэр.
Ол курдук, тустаах быраабылаҕа уларытыы киирбитинэн Саха сиригэр андаатары балаҕан ыйын 10 күнүттэн кулун тутар 31 күнүгэр диэри бултаныллар буолла (120 күнтэн элбэх). Ону тэҥэ, саас атыыр көҕөнү бултуурга икки булчукка биир тыыннаах кус мончуук быһыытынан туһанар кыах бэрилиннэ.
СӨ Экологияҕа министиэристибэтэ быһаарарынан, 2023-2024 сс. булт сезонугар туйахтаах кыылларга бултааһын Булт быраабылатын чэрчитинэн ыытыллар. Холобур, балаҕан ыйын 15 күнүттэн тохсунньу 10 күнүгэр диэри тайахха, оттон туртаска уонна кыыл табаҕа алтынньы 1 күнүттэн тохсунньу 10 күнүгэр диэри уонна бүүчээҥҥэ сэтинньи 1 күнүттэн тохсунньу 31 күнүгэр диэри сааһыттан тутулуга суох бултааһын көҥүллэнэр.
Бу уларытыыга Ил Түмэн сир сыһыаннаһыытыгар, айылҕа ресурсаларыгар уонна экологияҕа кэмитиэтин бэрэссэдээтэлэ Сахамин Афанасьев: «Саха сиригэр булчуттар түмсүүлэрэ уонна булт хайысхатыгар салайар уорганнар бииргэ үлэлииллэрэ быдан көдьүүстээх буолла. Манна сүрүн оруолу СӨ Ил Дарханын иһинэн булт Сэбиэтэ ылар. Сэбиэккэ булт быраабылатыгар уопсастыбаннастан киирбит этиилэр, булт болдьоҕун уларытыы курдук сүрүн боппуруостар быһаарыллаллар, ол түмүгэр РФ Айылҕа ресурсаларыгар уонна экологияҕа министиэристибэтин кытта Булт быраабылатыгар сөптөөх уларытыылары киллэрэргэ үлэ таһымнаахтык ыытыллар. Ону тэҥэ, Ил Түмэҥҥэ булка сыһыаннаах боппуруостары быһаарарга аналлаах мунньахтар, төгүрүк остуоллар ыытыллыбыттарын түмүгэр, тустаах быраабылаҕа итинник сөптөөх көннөрүүлэр киирдилэр«, — диэн санаатын үллэһиннэ.
Өлүөхүмэ улууһун 1-Нөөрүктээйи кыраайы үөрэтэр түмэлин салайааччыта, уопсастыбаннай кэрэспэдьиэммит Александр Филиппов-Бири Өлүөнэ өрүс пааматынньыга бу…
Күрэс төрүт көрүҥнэригэр XXII "Манчаары оонньууларынан" медиа-кииҥҥэ суруналыыстары кытта көрсүһүү буолла. Манна далааһыннаах тэрээһиҥҥэ бэлэмнэнии…
От ыйыгар сулустар тапталга, доҕордоһууга сыһыаннаах гороскуопка тугу кэпсииллэрий? Хой Ый саҥата саҥа билсиһии буолара…
Ааспыт сууккаҕа Ленскэй оройуонугар биир ойуур баһаара умуруоруллубут. Бүгүҥҥү иһитиннэриинэн, суукка саҕаланыытыгар, өрөспүүбүлүкэ сиригэр-уотугар ойуур…
Уус Алдан улууһугар Суотту нэһилиэгин Хоноҕордооҕу "Түһүлгэ" СК "Алыптаах аартыктары арыйан..." сылаас тыыннаах олус истиҥ…
ЫБММ үлэһитэ эдэр дьахтары эчэппит уонна кини сокуоннай сааһын ситэ илик балтыгар сыстаҥнаабыт. Бу туһунан…