Ол туһунан бу күннэргэ Экология уонна айылҕа харыстабылын министиэристибэтэ иһитиннэрдэ.
Мантан инньэ, Саха сиригэр эһэҕэ, бөрөҕө, саһылга, тайахха, кыыл табаҕа уонна андаатар бииһин ууһугар бултааһыҥҥа хараҥаҕа көрөр прибордары, уотунан тыктарар тээбириннэри, тепловизордары туһаныы көҥүллэнэр буолла. Урут маннык бултааһын көҥүллэммэт этэ.
Бу уларыйыылар Арассыыйа Федерациятын Айылҕа ресурсаларыгар уонна экологияҕа министиэристибэтин «Бултааһын быраабылатыгар уларытыылары киллэрии туһунан» сокуонугар олоҕуран оҥоһулуннулар.
Ол гынан баран, бултаан күрэхтэһиигэ итиэннэ көрүлээн бултааһыҥҥа механическай тырааныспартары, ханнык баҕарар көтөр аппарааттары, сырдатар устуруойустубалары, тепловизордары, хараҥаҕа түүн көрөр прибордары көтөрү-сүүрэри итиэннэ күндү түүлээҕи бултуурга туһанар бобулларын санатабыт.
Эбии РФ административнай быраабы кэһии кодексын (КоАП) 1.2 пуунугар сөп түбэһиннэрэн бултааһын быраабылатын, болдьоҕун кэһии уонна көҥүллэммэт саанан-сэбиргэлинэн туһаныы иһин, биирдиилээн дьон бииртэн икки сылга диэри болдьоххо бултуур бырааптара быһыллыан, оттон дуоһунастаах дьон 35 тыһ. – 50 тыһ. тиийэ суумаҕа ыстарааптаныахтарын сөбүн санатабыт.
Бу күннэргэ мессенджеринэн, социальнай ситимнэринэн: “Забайкальеҕа пастереллёз өрө туран, Бурятияҕа ураты бэлэмнээх буолуу эрэсиимин биллэрдилэр”…
Түөкүттэр саҥаттан саҥа албастары толкуйдаан, дьонтон харчыларын суйдуу олороллор. Ол курдук, хара санаалаах дьон эмсэҕэлээччигэ…
Бүгүн, сэтинньи 5 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, Дьокуускай куоракка күн…
Бүгүн, сэтинньи 5 күнүгэр, өрөспүүбүлүкэ баһыйар үгүс өттүгэр хаардыаҕа. Хотугулуу-арҕаа өттүгэр сөҥүү түһэрэ күүтүллүбэт. Муора…
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…