Хаартыска: PxHere
СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ тэхиниичэскэй биричиинэнэн бултааһыҥҥа көҥүлү биэриигэ электроннай сэрэбиэй хат ыытыллар буолла диэн иһитиннэрэр. Кыыл табаттан уонна киистэн ураты бултааһын электроннай сэрэбиэйэ 2025 сыл балаҕан ыйын 11 күнүгэр көһөрүлүннэ.
Хос сэрэбиэйгэ бултуур ресурсаларга сайаапканы бастакы сэрэбиэйгэ биэрбиттэр кытталлар.
Иккис сэрэбиэй Саха Өрөспүүбүлүкэтин Сыыппара трансформациятын ыстаабын конференс-саалатыгар ыытыллар, аадырыһа: Дьокуускай к., Ленин проспега, 1.
СӨ Экологияҕа министиэристибэтин официальнай саайтынан иккис сэрэбиэй интэриниэт ситимигэр быһа эпииргэ көстүөҕэ.
Хамыыһыйа 10.00 ч. саҕалаан, иккис сэрэбиэй бүтүөр диэри, хас чаас аайы 10 мүнүүтэ тохтобуллаах үлэлиэ, 12:40-тан 13:40-ка диэри эбиэккэ тохтобуллаах буолуо.
Иккис сэрэбиэй түһүмэхтэрэ булт маннык көрүҥнэригэр ыытыллар: таба, хагдаҥ эһэ, кыыл таба, бүүчээн, туртас, тайах, чубуку.
Сэрэбиэй түмүгүнэн хамыыһыйа биир күн иһигэр көрөн боротокуол оҥорон сайтка таһаарар. Ону таһынан иккис сэрэбиэй кэмигэр Министиэристибэ саайтыгар хас биирдии лот түмүгэ тахсыаҕа.
Иккис сэрэбиэйгэ түмүгү ылбыт дьон, быйыл балаҕан ыйын 12 күнүттэн саҕалаан, бултуурга көҥүлү ыларга сайабылыанньалары судаарыстыбаннай уонна муниципальнай өҥөлөр эрэгийиэннээҕи порталынан туттарыахтарын сөп: https://e-yakutia.ru/#/createorderform/140000000016
Сиһилии: https://minpriroda.sakha.gov.ru/news/11406
Саха сирин сүүмэрдэммит хамаандатын биир бастыҥа күрэсчитэ Евгения Огородникова тустууга Арассыыйа первенствотын күрэхтэһиитигэр боруонса мэтээли…
Бүгүн, атырдьах ыйын 8 күнүттэн, “Саха сирэ – дьоруойдар сирдэрэ” өрөспүүбүлүкэтээҕи байыаннай дьайыы кыттыылаахтарыттан каадыры…
«Анаабыр» эрэгийиэннэҕи массыына суолугар «Бүлүү» федеральнай айан суолуттан Мииринэй куоратыгар диэри 11 килэмиэтиртэн тахса уһуннаах…
Бу сыл алтынньы 1 күнүттэн хамнастара федеральнай бүддьүөттэн үбүлэнэр үлэһиттэргэ хамнас төлөбүрэ индексацияланар - хамнас…
Бэрдьигэстээххэ «Үрдэл» түөлбэ олохтоохторо Кыайыы 80 сылын көрсө түөлбэлэр икки ардыларынааҕы күрэх чэрчитинэн искибиэри киэргэттилэр.…
Плейстоценовай паарка уонна Биологическай ресурсалар уонна ураты харыстанар сирдэр дириэксийэлэрин испиэлиистэрин эспэдииссийэтэ Анаабыр улууһун Улахан…