Бултаабыт кустарын байыаннай дьайыы кыттыылаахтарын дьиэ кэргэттэригэр бэлэх ууннулар

Чурапчы улууһун баһылыга Степан Саргыдаев уонна «Аҕа дойдуну көмүскээччилэр» пуонда көҕүлээһининэн, дьаһалта эр дьоно уонна дьокутааттар бултаабыт кустарын байыаннай дьайыы кыттыылаахтарын дьиэ кэргэттэригэр бэлэх ууннулар.

Улуус баһылыгын солбуйааччы Алексей Лобанов уонна “Аҕа дойдуну көмүскээччилэр” пуонда социальнай координатора Сергей Атласов сахалар сайыны көрсөр, күөххэ үктэнэр күммүт үүммүтүнэн эҕэрдэлээн туран туттардылар диэн улуус дьаһалтата иһитиннэрдэ.

Ньукуолун маанылаах күнүгэр Аҕа дойдуларын көмүскүү сылдьар байыастарбыт дьиэ кэргэттэрэ Байанай бэрсибит бэлэҕин тутан, үөрдүлэр, махтаннылар.