Тустаах департамент тиксэрдэ
“Бултааһын уонна булт баайын харыстааһын туһунан” СӨ Сокуонун 13 ыстатыйатыгар уларытыылары киллэриини бигэргэттилэр.
Көннөрүүлэргэ олоҕуран ураты харыстанар сирдэргэ бултааһын Хоту дойду, Сибиир уонна Уһук Илин аҕыйах ахсааннаах төрүт норуоттарыгар эрэ буолбакка, бу сиргэ-уокка куруук олорор олохтоохторго барыларыгар көҥүллэнэр диэн этиллэр.
Түгэнинэн туһанан СӨ экологияҕа министиэристибэтин Булт хаһаайыстыбатын уонна ураты харыстанар айылҕа сирдэрин департаменын кылаабынай исписэлииһэ Светлан Федоровтан бу туһунан быһааран биэрэригэр көрдөстүбүт:
— Айылҕа ураты харыстанар сирдэрэ олохтоох нэһилиэнньэ үгэс буолбут дьарыгын (булт, балыктааһын, сүөһү иитиитэ, айылҕа бэрсэр быйаҥын хомуйуу уо.д.а.) илдьэ сылдьарын туһугар уонна сири туһаҕа таһааралларыгар көтөр-сүүрэр, кыыл-сүөл төрүүр-үөскүүр сирин алдьаппаттарын курдук сир баайын хостооччулартан харыстыыр туһуттан олохтоох нэһилиэнньэ баҕатынан тэриллибиттэрэ.
“Бултааһын туһунан уонна булт баайын харыстааһын туһунан уонна Арассыыйа Федерациятын сорох сокуон аакталарыгар уларытыылары киллэрэр туһунан” Федеральнай Сокуоҥҥа сөп түбэһиннэрэн, айылҕа ураты харыстанар сирдэригэр бултуохха сөп.
Ол эрээри бу нуормалары тутуспакка билиҥҥи туругунан Саха Өрөспүүбүлүкэтин сокуонунан билиҥҥэ диэри өрөспүүбүлүкэ, олохтоох суолталаах айылҕа ураты харыстанар сирдэригэр бултааһын боппуруоһа сүрүннэнэ илик этэ.
Саха Өрөспүүбүлүкэтин Бырабыыталыстыбатын көрүүтүгэр киллэриллибит “Бултааһын уонна булт баайын харыстааһын туһунан” Саха Өрөспүүбүлүкэтин Сокуонун 13 ыстатыйатын бырайыагынан бултааһын эйгэтигэр уонна булт баайын харыстааһын уонна айылҕа ураты харыстанар сирдэрин хрыстааһын сокуонугар сөп түбэһиннэрэн, айылҕа ураты харыстанар сирдэригэр бултааһыны тэрийиини сүрүннүүр нуормаларынан эбиллэн биэрдэ.
Айылҕа ураты харыстанар сирдэригэр бултааһын көҥүллэммит болдьоҕор бултанар көрүҥнэргэ уонна айылҕаны харыстыыр тэрилтэ көҥүлүгэр олоҕуран, маннык харыстанар сирдэр эрэсиимнэрэ итини көҥүллүүр буоллаҕына, нэһилиэнньэ урукку да өттүгэр бултаабыта. Онон урукку өттүгэр бобуулааҕы уонна сокуоҥҥа сөп түбэспэти көҥүллээтибит диэн өйдөөмөҥ.
Төрөөбүт тыл уонна сурук-бичик күнүн чэрчитинэн сылын аайы ыытыллар өрөспүүбүлүкэтээҕи "Сахалыы дьыктаан" аахсыйа быйыл 12-с төгүлүн…
Саха сиригэр 38 байыаннай дьайыы инбэлиитэ уонна кини кэргэнэ суоппары бэлэмнээһин бырагырааматыгар үөрэммит ороскуота төлөннө.…
Бүгүн, олунньу 16 күнүгэр, 03.48 ч. "112" суһал нүөмэргэ, Жатай бөһүөлэгин чугаһыгар, арыыга, массыыналаах балыксыттар…
Өрөспүүбүлүкэҕэ байыаннай дьайыы 4396 кыттааччыта мэдиссиинэ көмөтүнэн туһанна. Бу туһунан олунньу 16 күнүгэр ыытыллыбыт…
Өбүгэ саҕаттан норуот төрүт үгэстэрин аныгы кэмҥэ барҕарда сайыннарар Сахабыт сирин иэйиэхсит ийэлэрин "ДАЛБАР ХОТУН”…
Түүн үөһүгэр, 02:24 ч. Мэҥэ Хаҥалас улууһун Павловскай нэһилиэгэр чааһынай дьиэҕэ уот турбутун туһунан Майатааҕы…