Булуҥ дьокутаатын боломуочуйатын болдьоҕун иннинэ тохтоттулар

Булуҥ оройуонун борокуратуурата коррупцияны утары сокуону тутуһууну бэрэбиэркэлээтэ.

Федеральнай сокуон ирдэбилинэн «Тиксии бөһүөлэгэ» куорат бөһүөлэгин дьокутаата быыбарга кыттарыгар дохуот, баай-дуол сибидиэнньэлэрин туттарбатаҕа быһаарылынна.

Борокуратуура этиитинэн дьокутаат итэҕэлин сүтэрбитинэн сибээстээн боломуочуйатын болдьоҕун иннинэ тохтотор туһунан быһаарыы ылылынна. Бу туһунан СӨ Борокуратууратын пресс-сулууспата суруйар.