Булуҥ оройуонугар ойуур баһаарын умуруораллар

Булуҥ оройуонугар 120 га иэннээх ойуур баһаарын умуруораллар. Бу туһунан СӨ Экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрэр.

«Баһаар Нам сэлиэнньэтиттэн 10 км тэйиччи сиргэ баар. Нэһилиэнньэлээх пууҥҥа уонна экэниэмикэ эбийиэктэригэр куттал суоһаабат. Баһаары умуруорууга 11 киһи үлэлиир. Бүгүн былаан быһыытынан авиация көтөрө уонна эбии сириэстибэни тиэрдии үлэтэ ыытыллыахтаах», — диэн Коноплев иһитиннэрдэ.

Суһал ыстаап дааннайдарынан, быйыл өрөспүүбүлүкэ үрдүнэн барыта 525 га иэннээх 26 ойуур баһаара бэлиэтэммит.