Булуҥ улууһугар ньиэп бородууктата тохтубут

Булуҥ улууһугар ньиэп бородууктата тохтубутунан СӨ борокуруора  Сергей Дябкин сорудаҕынан, оройуоннааҕы борокуратуура туһааннаах исписэлиистэри кытта  бэрэбиэркэ ыытар.

Барыллаан быһаарыллыбытынан, Тиксии бөһүөлэгэр нефтебазаҕа баар цистернаттан ньиэп бородууктата сиргэ уонна Неелово хомотугар мууска  тохтубут. Билигин төһө кээмэйдээх уматык  тохтубутун уонна төрүөтүн быһаараллар.

Бэрэбиэркэ кэмигэр борокуратуура бырамыысыланнай куттал суох буолуутун  тутуһууга, тулалыыр эйгэ харыстабылыгар сыана биэриэҕэ.