Булуҥ улууһугар сүппүт балыксыттары буллулар

“Маяк Арктики” суруйарынан, олунньу 7 күнүттэн сүппүт балыксыттары көрдүүр-быыһыыр сулууспа Самах Арыы учаастагар үлэлээбит. 

Балыксыттар эппиттэринэн, оттуктара бүтэн, “Бураннара” алдьаммыт. Бу сиргэ суотабай сибээс хаппат, балыксыттар да атын сибээстэрэ суох буолан биэрбит.

Балыксыттар көстөннөр, муниципальнай таһымҥа  ыксаллаах быһыы-майгы эрэһиимэ уһулунна.

Булуҥ муниципальнай оройуонун дьаһалтата  ыраах барар дьон тыа сирин дьаһалтатыгар, тэрилтэ салайааччыларыгар ханна баралларын, төһөҕө төннүөхтээхтэрин, хантаактарын хаалларан баралларыгар этэр. Ыксаллаах быһыы-майгы үөскээн хааллаҕына, ити барыта  балаһынньаны көннөрөргө туһалааҕын, ол түмүгэр дьон олоҕо быыһанарын  санатар.