Булуҥ улууһугар үс кыыс оҕо сүппүт

 Саха сиринээҕи ЫБММ пресс- сулууспата иһитиннэрбитинэн, Булуҥ улууһугар үс кыыс сүппүт, икки кыыс — 13 саастаахтар, оттон биир кыыс  — 16-лаах.

Биэдэмистибэ иһитиннэрбитинэн, кыргыттар малларын уонна таҥастарын Өлүөнэ өрүс кытылыгар Күсүр сэлиэнньэтиттэн 20 км тэйиччи Күп-Сарай балыксыттар учаастактарын территориятыгар булбуттар. Бэҕэһээ киэһэ, атырдьах ыйын 11 күнүгэр, оҕолору көрдүү аймахтара тахсыбыттар. Бүгүн, атырдьах ыйын 12 күнүгэр оҕолору көрдөөһүҥҥэ водолазтары ыытыахтара.

Санаттахха, Уус Ньараҕа атырдьах ыйын 5 күнүгэр  Индигиир өрүскэ 6 саастаах сүппүт оҕону көрдөөһүн үлэтэ салҕанар.