Хаартыска: СИА.
Тохсунньу 24 күнүттэн Хотугу Муустаах муора кытылынан күүстээх буурҕа ытыллар. Булуҥ улууһугар ыксаллаах быһыыга-майгыга бэлэмнэнии эрэсиимэ биллэриллибитэ. Тыал күүһэ сөкүүндэҕэ 40 миэтэрэҕэ тиийэ сырытта. Туох да көстүбэт үлүгэрэ.
Тохсунньу 27 күнэ үүнэр түүнүгэр Быковскай бөһүөлэгэр күүстээх тыал 12 кыбартыыралаах олорор дьиэ кырыыһатын бүтүннүү көтүттэ. Бу дьиэҕэ 62 киһи олороро, барыларын суһаллык көһөрбүттэр. Бөһүөлэккэ интэриниэттэрэ, уоттара суох. Ол эрээри тыал арыый намыраабыт.
Уһуйааннарга, оскуолаларга үөрэх тохтотуллубут, дьахталлар үлэҕэ тахсыбаттар. Күүстээх тыал киһини көтүтэн илдьэ барар кыахтаах. Олохтоохтор хас да туонналаах контейнеры тыал төкүнүппүт хаартыскатын, видеотун тарҕаталлар.
Булуҥ улууһун Тиксии бөһүөлэгэр ууну хачайдыыр ыстаансыйаттан кэлэр сүрүн турба тоҥон, ыксата сырытта. Ол да үрдүнэн, бөһүөлэги сылааһынан, уунан хааччыйыы тохтообото.
Олох-дьаһах хомунаалынай хаһаайыстыбатын, энэргиэтикэ министиэристибэтэ иһитиннэрбитинэн, ууну биэрэр эбии тэрил үлэтэ тохтуу сылдьыбыт. Күн-дьыл көннөҕүнэ, саппаас лииньийэни сүрүн турбаҕа диэри холбуохтара. Билигин «Мелкое» диэн күөлтэн уу кэлэр.
Миниистир Вячеслав Емельянов бырабыыталыстыба хамыыһыйатын мунньаҕар саппаас лииньийэни холбоон баран, сүрүн турбаны өрөмүөннүөхпүт диэн эттэ. Өрөмүөн үлэтин ыытарга суолу-ииһи ыраастыырга тырааныспар, суол хаһаайыстыбатын министиэристибэтин кытта бииргэ үлэлэһиэхтэрэ.
«Сахаэнерго» уот лииньийэтигэр саахалы туоратта, ол да үрдүнэн сибээскэ кыһалҕа баар.
Саха сиринээҕи гидрометеорология управлениета иһитиннэрбитинэн, тохсунньу 28 күнүгэр Анаабыр, Булуҥ улуустарыгар соҕуруулуу-арҕааттан үрэр тыал 19-24 м/с түргэннээх, түүн Булуҥ улууһугар 26-31 м/с түргэннээх тыал үрүөҕэ. Усуйаанаҕа 15-20 м/с түргэннээх тыа арҕааттан үрэр, буурҕалаах.
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…