Хаартыска: "Заря Яны"
Бүгүн, тохсунньу 30 күнүгэр, Булуҥ улууһугар буурҕа өссө да тохтуу илик. Хомунаалынай тэрилтэ хочуолунайдара дьиэлэри, социальнай эбийиэктэри сылааһынан хааччыйа тураллар. Бу туһунан «ОДьКХ» ГУП тэрилтэ генеральнай диэриэктэрэ Виталий Чикачев иһитиннэрдэ.
Хотугу Муустаах муора кытылынан күүстээх буурҕа тохсунньу 24 күнүттэн саҕаламмыта. Тыал күүһэ сөкүүндэҕэ 40 миэтэрэҕэ тиийэ сылдьыбыта. Бу маннык күүстээх тыал 12 кыбартыыралаах дьиэ кырыыһатын көтүппүтэ, 3 туонналаах контейнеры төкүнүппүтэ. Булуҥ улууһугар Неелово-Тиксии уу турбатын биир салаата тоҥмута.
Суһал ыстаап Тиксии-1 уонна Тиксии-2 олохтоохторун хочуолунайдарын уунан хааччыйыыны саппаас сиртэн — «Мелкое» күөлтэн аҕаларга быһаарбыта. Манна 2-3 нэдиэлэҕэ тиийэр уу саппааһа баар. Буурҕа тохтоотоҕуна, уу турбатын өрөмүөнүн үлэтэ саҕаланыаҕа. Маннык күүстээх тыалга киһи таһырдьа үлэлиир кыаҕа суох. Сорох сиринэн тыал дьиэлэри сабар хаары типтэ.
Бүгүҥҥү күҥҥэ Неелово турбата үлэлии турар, элэктэриичэстибэ уотунан хааччыйыы сөргүтүлүннэ, уматык саппааһа баар диэн Виталий Чикачев иһитиннэрэр.
Дьокуускайдааҕы гидрометео-ыстаансыйа управлениета иһитиннэрбитинэн, тохсунньу 30 күнүгэр Булуҥ улууһугар соҕуруулуу-арҕаа хайысхалаах, сөкүүндэҕэ 15-20 миэтэрэ түргэннээх тыал үрэр.
Дьокуускайга ийэ баһаарга үс кыра саастаах оҕото өлбүтүн иһин сууттаныа. Кинини сэрэҕэ суохтан өлүүгэ тиэрдиигэ…
Урбааны сайыннарыы пуондатын генеральнай дириэктэрин корпоративнай боппуруостарга солбуйааччыта Андрей Миронов социальнай ситимнэргэ быһа эпииргэ тахсыаҕа…
Сэтинньигэ уматык ырыынагар бэнсиин сыаната салгыы үрдүүрэ күүтүллэр, ол эрээри балаҕан уонна алтынньы ыйдарга тэҥнээтэххэ,…
Өрөспүүбүлүкэ үс сыллааҕы судаарыстыбаннай бүддьүөтүн дьүүллэһии чэрчитинэн, «Саха Өрөспүүбүлүкэтин нэһилиэнньэтин дьарыктаах буолуутугар көмөлөһүү» судаарыстыбаннай бырагыраама…
Ил Түмэн XIV (уочараттаах) пленарнай мунньаҕар өрөспүүбүлүкэ кэлэр үс сыллааҕы судаарыстыбаннай бүддьүөтүн бастакы ааҕыытын чэрчитинэн,…
Сэтинньитээҕи бырааһынньыктары көрсө, алта күннээх үлэ нэдиэлэтэ күүтэр. Судаарыстыбаннай Дуума Үлэҕэ, социальнай бэлиитикэҕэ уонна бэтэрээннэр…
