Булуҥҥа мууска икки аал хаайтарда

Булуҥ улууһугар Өлүөнэ өрүһүнэн Быковскай — Дьокуускай хайысханан айаннаан испит «Залив» уонна «Быков мыс» диэн икки аал, күн-дьыл туруга эмискэ мөлтөөбүтүнэн, хаайтардылар.

Ааллар экипажтара, уопсайа 10 киһи, ыарахан балаһыанньаҕа түбэстилэр. Саха сиринээҕи Быыһыыр сулууспатыгар дьону эвакуациялыыр наадатын туһунан иһитиннэрии киирдэ. Суһаллык, алтынньы 23 күнүгэр олохтоох бириэмэнэн сарсыарда 10:45 чааска, быыһыыр үлэни ыытарга Тиксии бөһүөлэгиттэн «Полярные авиалинии» авиахампаанньа Ми-8 бөртөлүөтэ көттө.