Булуҥҥа «Почта России» кассира мөлүйүөн аҥаара сууманы иҥэриммит

Булуҥ улууһугар «Почта России» үлэһитэ 500 тыһыынчаттан тахса солкуобайы сойботон сууттанна. Бу дьахтар хас да ый устата каассаттан харчы ыла сылдьыбыт диэн СӨ Борокуратуурата иһитиннэрэр.

Суут быһаарбытынан, Тиксии кассира 2020 сыл алтынныьыттан 2021 сыл бэс ыйыгар диэри каассаттан мөлүйүөн аҥаарын кэриҥэ сууманы иҥэриммит.

Суут буруйданааччыны буруйдааҕынан билинэн, үс сылга көҥүлүн быһарга анаата. Ол эрээри, дьахтар эрдэ сууттамматаҕын, буруйун барытын билиммитин уонна хоромньуну төннөрбүтүн иһин, суут икки сылга холоон көрөр болдьоҕу анаата.