Булуҥҥа сүппүт үһүс оҕо өлүгэ көһүннэ

Олохтоох дьаһалта Быыһыыр сулууспаҕа иһитиннэрбитинэн, Булуҥ улууһун Күп-Сарай диэн учаастагар сүппүт үһүс оҕо өлүгэ көстүбүт. Кинини быһылаан буолбут сирин аттыттан булбуттар. Бу туһунан СӨ Быыһыыр сулууспатын пресс-сулууспата иһитиннэрэр.

Быыһыыр сулууспаҕа Булуҥҥа үс оҕо сүппүтүн туһунан иһитиннэрии атырдьах ыйын 11 күнүгэр киэһэ киирбит. Онно эппиттэринэн, оҕолору бүтэһигин Күһүр сэлиэнньэтин аттыгар баар Күп-Сарай диэн балыктыыр учаастакка өрүс аттыгар оонньуу сылдьалларын көрбүттэр.

Оҕолор өлүктэрин Тиксиигэ илдьиэхтэрэ. Быһылаан миэстэтигэр психолог уонна СӨ Быыһыыр сулууспатын профилактикаҕа отделын начаалынньыга үлэлииллэр.