СӨ Ил Дарханын уонна Бырабыыталыстыбатын пресс-сулууспатын хаартыската
Тиксиитээҕи муора пуордун саҥатытыы үс хайысханан барыа: социальнай суолталаах таһаҕаһы тиэрдиигэ уонна круизтыыр туризмы сайыннарыыга анаан, билигин баар Тиксии пуордун саҥалыы уларытан оҥоруу, Найбаҕа дириҥ уулаах саҥа терминалы тэрийии уонна Неелово оройуонугар пассажирдар терминалларын тутуу.
Ол туһунан Бырабыыталыстыба бэрэссэдээтэлэ Андрей Тарасенко Булуҥ оройуонугар отчуот кэмигэр эттэ.
«Тиксиитээҕи муора пуордун саҥатытыы тырааныспар ситимин сайыннарыыга, хоту таһаҕаһы тиэрдиини чэпчэтиигэ уонна Арктика оройуоннарыгар бөдөҥ инвестбырайыактары өйүүрга наадалаах. Пуорду сайыннарыы өрөспүүбүлүкэ, оройуон, бөһүөлэк бүддьүөтүн дохуоттаах чааһын улаатыннарарга усулуобуйаны оҥоруо уонна саҥа үлэ миэстэтин таһаарыа, Арктика оройуоннарын олохтоохторун аһынан-үөлүнэн уонна табаарынан хааччыйыыны тупсарыа. Итинник соруктары биһиги иннибитигэр өрөспүүбүлүкэ уонна дойду салалтата туруорар», – диэтэ Андрей Тарасенко.
Ил Дархан Айсен Николаев дьаһалынан муора пуордун сайыннарыы үлэтэ барар.
«Бу бырайыак билигин баар Тиксии муора пуордун инфраструктуратын саҥаттан уларытан оҥоруу, улахан суудуналар киирэллэрин курдук, Найбаҕа дириҥ уулаах терминалы тэрийиини учуоттаан, кини кыраныыссатын кэҥэтии буолар. Билигин бырайыагы олоххо киллэрии бастакы түһүмэҕин бэлэмнээһин бара турар. 2023 с. Хара Уулаах хомотугар гидрографическай чинчийиини ыытыы былааннанар. Ол пуорт ханна тутулларын быһаарарга уонна Уус Куйгаа – Найба саҥа кыһыҥҥы суолунан таһыыны чинчийиигэ итиэннэ инвестицияны тардарга уонна Күчүс көмүстээх сири баһылыырга, ону таһынан Уус Куйгаа бөһүөлэгэр дьоҕус атомнай ыстаансыйаны тутууга наада», – диэн тырааныспар уонна суол хаһаайыстыбатын миниистирин солбуйааччы Семён Коркин бэлиэтээн эттэ.
Муора пуордун сайыннарыы бырайыага Арктика зонатыгар улахан суолталаах. Бүгүҥҥү күҥҥэ Күчүстээҕи бырамыысыланнай кластер бырайыага олоххо киирэн эрэр. Инвестиция өттүнэн барыта быһаарыллан, «Росатом» хампаанньа бастакы таһаҕаһа номнуо пуорка кэлэн эрэр. Бу уонна да атын кэккэ бырайыактар олоххо киириилэрэ хотугу муора суола уонна Арктика сайдыытыгар Тиксии биир сүрүн туочуканан буолуоҕа.
СӨ Ил Дарханын уонна Бырабыыталыстыбатын пресс-сулууспата
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…