Буочука уораары төлөпүөнүн сүтэрбит

Үөһээ Бүлүү олохтооҕун олбуоруттан биллибэт киһи пластиковай буочуканы сойбоппут. Быһаарыллыбытынан,  кинини кытта ыаллыы олорор 45 саастаах  киһи буолара биллибит.

Уорбаланааччы киэһээ ыал олбуоругар киирбит уонна буочуканы илдьэ барбыт. Ыксаан, алҕас  суотабай төлөпүөнүн түһэрэн кэбиспит. Буочуканы хаһаайыныгар төннөрбүттэр. Арассыыйа Федерациятын холуобунай кодексатын 158 ыст. 1 ч. «Уоруу» диэн холуобунай дьыала тэриллибит.