Буойаска дьахтар полицейскайы ытырбыт

Аллараа Бэстээхтэн Благовещенскайдыыр буойаска 37 саастаах дьахтар итирэн баран буойаска охсуспут, айдаарбыт. Кини үөхсүбүт, этиспит, атын пассажирдарга мэһэйдээбит уонна полиция үлэһиттэригэр саба түспүт диэн ИДьМ пресс-сулууспата суруйар.

Итирик дьахтар буойаска айдаарбытын иһин эппиэтинэскэ тардыллыбыт.

«Дьахтар полиция үлэһиттэрин тэбиэлээбит,  биир киһини ытырбыт. Буойас начаалынньыга пассажир дьахтар салгыы айанныырын аккаастаабыт», — диэн ИДьМ суруйар.

Киниэхэ административнай матырыйааллары таһынан, өссө холуобунай дьыаланы эмиэ тэрийбиттэр.