Буойун бэйэтин кытта илдьэ сылдьыбыт Саха сирин былааҕын бэлэхтээтэ

Байыаннай дьайыы кыттыылааҕа, «Беркут» диэн позывнойдаах Яков Артемьев учуонай В.П. Ларионов аатынан Майа орто оскуолатын үөрэнээччилэригэр бэйэтин кытта бойобуой дьайыыга илдьэ сылдьыбыт  өрөспүүбүлүкэ былааҕын бэлэхтээтэ.

Бойобуой дьайыы кыттыылааҕа Эр санааланыы уруогар кыттыытын Мэҥэ Хаҥалас улууһунааҕы нэһилиэнньэ социальнай көмүскэлин комплекснай киинин социальнай реабилитация уонна дьиэ кэргэни өйөөһүн салаатын исписэлиистэрэ Лилия Расторгуева уонна Ирина Стручкова тэрийдилэр.

Яков Артемьев оҕолорго разведчик быһыытынан бойобуой сырыыларын кэпсээтэ.  Кини хас биирдии киһи төрөөбүт дойдутугар бэриниилээх буолуохтааҕын бэлиэтээтэ, оҕолору үөрэхтэригэр ситиһиилээх, уопсастыбаннай олоххо көхтөөх буолалларыгар ыҥырда. Үөрэнээччилэр ыалдьыттарыгар харысхал оҥорбуттарын бэлэхтээтилэр. Эр санааланыы уруога викторинанан түмүктэннэ.

Өрөспүүбүлүкэ баһылыгын сорудаҕынан, «Дьоруойдар кэмнэрэ» (“Время героев”) федеральнай бырагыраамаҕа майгыннатан, «Саха сирэ – дьоруойдар дойдулара» (“Якутия – земля героев”) каадыры бэлэмнээһин бырагырааматын олоххо киллэрии саҕаланна.