Хаартыска: Норуот дьокутаата Афанасий Владимиров ТГ-ханаалыттан
Волгоград уобалаһыгар Аҕа дойду Улуу сэриитин сылларыгар өлбүт саха буойунун уҥуоҕа булуллубут. Бу туһунан Ил Түмэн дьокутаата Афанасий Владимиров ТГ-ханаалыгар иһитиннэрдэ.
«Сэрии бүппүтүн кэннэ көрдүүр этэрээттэр үтүө үлэлэрин салгыыллар. Норуот дьокутаата Афанасий Владимир салайааччылаах бөлөҕү тэрийэн, байыас өлүгүн төнүннэрэргэ үлэ былаанын бигэргэттибит. Саллаат уҥуоҕун кытта дьокутаат дастабырыанньата уонна докумуоннара көстүбүт. Ол курдук, байыас Хаҥалас улууһун 1-кы Малдьаҕар нэһилиэгин олохтооҕо, 1913 с.т. Илья Дмитриевич Алексеев буолара билиннэ. Нэһилиэкпит олохтоохторун аатыттан «поисковиктарга» үлэлэрин иһин махталбын тиэрдиэхпин баҕарабын. Кинилэр көмөлөрүнэн буойуннар бэйэлэрин төрөөбүт дойдуларыгар төннөллөр. Биһиги Илья Дмитриевич уҥуоҕа дойдутугар төннөрүгэр бары үлэни ыытыахпыт уонна чиэс-бочуот ытыктабылынан кистиэхпит. Бу биһиги ытык иэспит», — диэн I Малдьаҕар нэһилиэгин баһылыга Айталина Васильева ТГ-ханаалыгар суруйар.
Бу күннэргэ ВКС эрэсииминэн «Гвардеец» уонна «Феникс» этэрээттэринэн Сталинград оройуонугар булуллубут Алексеев Илья Дмитриевич уҥуоҕун Саха сиригэр аҕалыыга бэлэмнэнии уонна харайыы боппуруостарын дьүүллэстилэр. Байыас лиичинэһин СӨ Национальнай архыыбын сыралаах үлэтинэн быһаарыллыбыт.
Саха сириттэн Волгоградка Илья Дмитриевич сиэн хос сиэнэ Нюргуяна Хаптасова уонна I Малдьаҕар нэһилиэгин баһылыга Айталина Васильева айанныахтара. Аймахтар сырыыларын бырыайыастарын «РИК Плюс» АХ төлүүр, оттон байыас ҥуоҕун харайыыга үп-харчы СӨ Үлэҕэ уонна социальнай сайдыыга министиэристибэтин кураторынан «Победа» өрөспүүбүлүкэтээҕи пуондатыттан бэрилиннэ.
«Волгоград уобалаһын биир идэлээхтэрибитин кытта Волгоградка сиэри-туому тэрийиини дьүүллэстибит. РФ Бэрэсидьиэнин иһинэн СӨ Бастайааннай бэрэстэбиитэлистибэтин көмөтүнэн Москваҕа мемориальнай тэрээһин ыытыллара былааннанна. Илья Дмитриевич Алексеев уҥуоҕун көмүүтэ ыам ыйын 7 күнүгэр Хаҥалас улууһун Булгунньахтаах нэһилиэгэр ыытыллыаҕа. Илья Дмитриевич аата норуот өйүгэр- санаатыгар мэлдьи үйэлэргэ хаалыаҕа», — диэн эбэн иһитиннэрэр норуот дьокутаата Афанасий Владимиров.
Бэҕэһээ, алтынньы 23 күнүгэр, 14:28 ч. Баһаарынай-быыһыыр сулууспаҕа Үөһээ Бүлүү улууһун киинигэр чааһынай гарааска умайыы…
Бэҕэһээ 2-с Наахара нэһилиэгин Балыктаах күөлүгэр үгэскэ кубулуйбут улуус оскуолаларын үөрэнээччилэрин төрүт дьарыкка уһуйар муҥха тэрилиннэ.…
Сэтинньитээҕи бырааһынньыгынан сибээстээн, Социальнай пуонда кыраапыгынан ый саҥатыгар түһэр оҕо босуобуйатын, болдьоҕун иннинэ ыытыаҕа. Ол…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Хой Хой бэлиэлээхтэргэ тус дьоҕуру сайыннарыыга табыгастаах нэдиэлэ үүммүт. Барыы-кэлии, соһуччу көрсүһүү, билсиһии күүтэр. Бу…
Өрөспүүбүлүкэ баһыйар үгүс оройуоннарыгар кыралаан хаардыаҕа, соҕуруу сөҥүү түһэрэ күүтүллүбэт. Салгын температурата күнүс -2-7°, соҕуруулуу-арҕаа-4,+1°, …