Хаартыска: sakha.gov.ru
“Буойун” киин 14-17 саастаах курсааннарга араастаһыы кэрдииһин систиэмэтин киллэрдэ.
Бу структура РФ бырабыыталыстыбатын бэрэссэдээтэлин солбуйааччы, Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ, “Буойун” киин кэтээн көрөр сэбиэтин бэрэссэдээтэлэ Юрий Трутнев дьаһалынан бигэргэтиллибитэ. Түөрт кэрдиис баар: «Саҥа ылыллыбыт курсаан», «Курсаан», «Курсаан-байыас» уонна «Курсаан-гвардеец».
Юрий Трутнев этэринэн, бу систиэмэ көҕүлээһини эрэ үрдэппэккэ, үөрэтии кырдьыктаахтык барарын ситиһиэ. Хас биирдии иитиллээччи бэйэтин үлэтин түмүгүн көрүө, күрэстэһии тыынын киллэриэ, бэйэ-бэйэни убаастаһыыга уонна эппиэтинэстээх буоларга иитиэҕэ.
Үөрэххэ ситиһии, көхтөөх уопсастыбаннай үлэ уонна күрэхтэһиигэ кыайыы иһин кэрдиистэр туттарыллан иһиэхтэрэ. Курсааннар званиеларын кытта формаларын уҥа сиэҕэр кэтиллэр шевроны ылыахтара. Саамай үрдүк кэрдиис — «Курсаан-гвардеец» — дьоруойдуу быһыыны оҥоруу, дьону быыһааһын, быраабы араҥаччылыыр уорганнарга көмөлөһүү эбэтэр федеральнай таһымнаах күрэхтэһиилэргэ кыайыы иһин бэриллиэҕэ, диэн иһитиннэрэр Ил Дархан, бырабыыталыстыба пресс-сулууспата.
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…