СИА хаартыската.
«Ленскэй оройуонун култууратын үлэһиттэрэ байыаннай сулууспаҕа сылдьар буойуттарыгар көмө аахсыйалары, кэнсиэртэри тэрээһиннээхтик ыыта олороллор», — диир оройуон култууратын управлениетын начаалынньыга Алена Мальцева.
— 2022 бүтүүтүттэн ыла «Ленскэй оройуон» муниципальнай тэриллиигэ култуура тэрилтэлэрэ “Кыайыы” пуондатыгар 83 тыһыынча 500 солк. үбү киллэрбиттэрэ оройуон байыаннай сулууспалаахтарын наадаларыгар барбыта. Саҥа дьыл иннинэ биһиги управлениебыт үлэһиттэрэ быстах ыҥырыынан сулууспалыы барбыт дьоммут оҕолорун баҕа санааларын толорорго анаан ыытыллыбыт «Үтүө санаа харыйатын» аахсыйатыгар кыттыбыппыт.
Быйылгы 2023 сылга буойуттар дьиэ кэргэннэрин ыҥыран туран патриотическай ис хоһоонноох култуура араас тэрээһиннэрин ыытабыт. Сорох дьиэ кэргэттэри кытта истиҥ кэпсэтиилэр, көрсүһүүлэр буолаллар, видеороликтар уһуллан, үөрүүлээх мунньахтарга, кэнсиэртэргэ көрдөрүллэллэр, социальнай ситимнэргэ, тэрилтэлэр саайтарыгар тарҕатыллаллар. Управление үлэһиттэрин күүһүнэн байыаннай эпэрээссийэттэн кэлээччилэри эбэтэр онно барааччылары көрсүһүү, атаарыы сценарийдара чочуллар.
Оройуон киин библиотекатыгар 700-кэ киһини түмэр «Ленскэй покров» уопсастыбаннай түмсүү волонтёрдарын күүһүнэн култуура үлэһиттэрэ маскировочнай сиэккэлэри, нашлемниктары өрөллөр, онтон да атын наадалаах малы-салы, таҥаһы-сабы, анал тэриллэри бэлэмнииллэр.
Управлениебыт православной култуураҕа отдела Саха сирин Дьокуускайдааҕы епархиятын Ленскэй оройуонугар благочиниятын волонтёрдарын кытта госпиталларга эмтэнэ сытар буойуттарга баһыылкалары бэлэмнээн, онно саллааттарга оҕолор суруктарын уган ыыталларын биир дойдулаах уолаттарбыт тутан үөрэн-көтөн, дойдуларын ахтылҕанын таһаараллар.
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…
Саха сирэ Бүтүн Арассыыйатааҕы “Халлааҥҥа тиийдэрбин” (Дотянуться до неба) пилота суох авиационнай систиэмэлэр бэстибээллэригэр аан…