Хаартыска: СИА
СӨ Үөрэххэ уонна наукаҕа миниистирин бастакы солбуйааччы Михаил Юрьевич Присяжнай байыаннай эпэрээссийэҕэ кыттар саллааттар оҕолорун сайыҥҥы лааҕырынан хааччыйыы, бастакы кылааска ылыы уонна үрдүк уонна орто үөрэххэ киллэрии туһунан кэпсээтэ.
— Өрөспүүбүлүкэҕэ барыта 463 сайыҥҥы оҕо лааҕырдара үлэлииллэр. Билигин иккис сезон үлэлии турар. Байыаннай эпэрээссийэҕэ кыттар саллааттар дьиэ кэргэннэриттэн сайыҥҥы лааҕырга сырытыннарыыга 1823 оҕоҕо сайабылыанньа киирбитэ. Бу оҕолор бары путевка ыланнар, сынньаннылар уонна сынньана сылдьаллар.
Үөрэх управлениелара байыаннай сулууспалаахтар оҕолорун бастакы кылааска киллэрии боппуруоһун болҕомто киинигэр туталлар. Быйыл барыта 276 оҕо бастакы кылааска киириэхтээх, онтон 98 оҕо Дьокуускай куоракка.
Үрдүк уонна орто үөрэххэ туттарсыы бара турар. Байыаннай эпэрээссийэҕэ кыттар буойун уонна кини оҕото үрдүк үөрэххэ туттарсыытыгар туспа квота көрүллүбүтэ. Ол быһыытынан хас биирдии исписээлинэскэ уонна бэлэмнэнии хайысхаларыгар бүддьүөт миэстэтин уопсай ахсаанын 10 %-тан итэҕэһэ суох миэстэ көрүллүбүтэ. Онон от ыйын 25 күнүгэр диэри бары докумуоннары туттара охсор наада. Билиҥҥи туругунан 11 кылааһы бүтэрбит 72 выпускник үрдүк үөрэххэ киирэр баҕалаах, 9 кылаас кэнниттэн – 114.
Буойуттар оҕолоро лааҕырынан, бастакы кылааска киириигэ уонна үөрэххэ туттарсыыга чэпчэтиинэн туһаныылара министиэристибэ болҕомтотун киинигэр турар.
Саха сирин Үлэҕэ уонна социальнай сайдыыга министиэристибэтин чэрчитинэн, 2025 сылга байыаннай дьайыы кыттыылаахтарын 889 төрөппүтэ…
Ис дьыала министиэристибэтин 4 №-дээх управлениетын полицияҕа отделын дьуһуурунай чааһыгар өттүгэр быһах баастаах киһи киирбитин…
Олунньу 12 - 14 күннэригэр СӨ бырабыыталыстыбатын бэрэссэдээтэлин солбуйааччы Анатолий Семенов салайааччылаах министиэристибэлэр, биэдэмистибэлэр бэрэстэбиитэллэрэ…
Судаарыстыбаннай демографическай уонна дьиэ кэргэн бэлиитикэтин олоххо киллэрэр Сэбиэт мунньаҕын түмүгүнэн, Владимир Путин муус устар…
Бу күннэргэ Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай уокурукка…
Москва уобалаһын Красногорской балыыһатыгар 46 саастаах дьахтар хабаҕыттан косметикаҕа туттуллар харандааһы хостообуттарын туһунан Москва уобалаһын…