Хаартыска: www.sakha.gov.ru
Буойуттарбыт оҕолоро бука бары оҕо лааҕырдарыгар сынньанарга босхо путевканан хааччыллаллара ситиһилиннэ диэн Кэбээйи улууһугар үөрэхтээһин управлениетын начаалынньыга Ирина Михайловна Неустроева кэпсиир.
— Байыаннай эпэрээссийэҕэ кытта сылдьар аҕалаах оҕолор быйылгы сайыҥҥы сынньалаҥнарын тэрийиини уонна кинилэри социальнай өттүнэн өйөөһүнү улуус салалтата уонна үөрэҕин управлениета, оскуолалар салалталара болҕомто киинигэр туталлар. Кэбээйи улууһун үөрэҕин управлениетын аатыгар саллааттар дьиэ кэргэттэриттэн киирбит сайабылыанньаларынан буойуттарбыт оҕолоро сайыҥҥы лааҕырдарга сынньанарга босхо путевканан хааччыллыбыттара. Бэлиэр 11 лааҕыр бастакы сезона бүтэ оҕуста. Иккис сезоҥҥа билигин 13 сайыҥҥы сынньатар, чэбдигирдэр лааҕырга 328 сылдьарыттан байыаннай сулууспалаах 20 оҕото босхо путевканан сынньана сылдьар. Ол иһиттэн 6 оҕо “Бэс Чагда” лааҕырга сынньаннылар. Ол курдук, байыаннай сулууспалаах барыта 49 оҕото босхо сынньалаҥынан хабылынна. Байыаннай эпэрээссийэ кыттыылааҕын оҕолоругар социальнай өйөбүл эбии көрүҥнэрэ олохтоммута: бассейнҥа, култуура, успуорт тэрээһиннэригэр, секцияларыгар босхо сылдьыы уо.д.а.
Бэс ыйын 20 күнүттэн улууска «Абитуриент» ыстаап үлэлиир. Орто оскуоланы быйыл 102 оҕо бүтэрбититтэн, 6 выпускник байыаннай эпэрээссийэ кыттыылааҕын оҕото. Кинилэргэ исписэлиистэр ВУЗ-тарга уонна СУЗ-тарга үөрэххэ киирии докумуоннарын туттарыыга көмөлөһөллөр. Аны күһүн бастакы кылаас боруогун 156 оҕо аан бастаан атыллыаҕа. Манна даҕатан эттэххэ, 21 оҕо уһуйааҥҥа сылдьарыгар төрөппүттэрэ төлөбүртэн босхоломмута, 24 оскуола үөрэнээччитэ босхо итии аһылыгынан хааччыллыбыта.
Онон оҕолор бу курдук болҕомто киинигэр сылдьаннар, сайыҥҥы үтүө күннэрин туһалаахтык атаарыылара хааччылынна.
Арассыыйа Юстицияҕа министиэристибэтэ суут үлэтигэр сыһыаннаах саҥа бырайыагы бэлэмнээтэ диэн Ил Түмэн иһитиннэрэр. Мировой суукка…
Быйыл күһүн Мэҥэ Хаҥалас улууһугар Маттаҕа аҕам саастаах уонна доруобуйаларынан хааччахтаах дьон дьиэлэрэ үлэҕэ киириэхтээх.…
ИДьМ 2-с нүөмэрдээх полиция салаатын дознавателэ куорат биир оскуолатыгар тахсыбыт быһылаанынан РФ Холуобунай Кодексын 163-с…
Ил Дархан Айсен Николаев 2024 сыл түмүгүнэн “Водоканал” АУо үпкэ-хаһаайыстыбаҕа үлэтин түмүгүн көрөр мунньахха, Дьокуускай…
Көлүөнэттэн-көлүөнэҕэ бэриллэр бит-билгэ арааһа баар. Үгүс дьон онно олуһун итэҕэйэр, оттон сорохтор наадыйбаттар, улахаҥҥа уурбаттар.…
АЛРОСА Саха сирин бырабыыталыстыбатын уонна Хотугу сир аҕыйах ахсааннаах төрүт норуоттарын ассоциациятын кытары хардарыта бииргэ…