Буойуттарбытыгар – икки массыынаны

СӨ тырааныспарга министиэристибэтэ икки КАМАЗ-ы Саха сириттэн байыаннай эпэрээссийэҕэ кыттар буойуттарга биэрбитин туһунан министиэристибэ пресс-сулууспата иһитиннэрэр.

— СӨ тырааныспарга уонна суолга миниистирэ Владимир Сивцев Донбасска көмөнү уонна өйөбүлү оҥорууга үлэлиир Хотугулуу-Илиҥҥи пуондаҕа икки КАМАЗ күлүүһүн туттарбыта. Миниистр бэлиэтээбитинэн, билигин, дойду бүттүүнэ бойобуой соруктарын толоро сылдьар буойуттарбытыгар көмөлөһүү тула сомоҕолоһор кэмигэр, биһиги биир дойдулаах буойуттарбытын өйүү, көмөлөһө олоруубутун тохтоппоппут. Бу КАМАЗ-тары биһиги тэрилтэбит «Аартыка суоллара» биэрдэ. Бэриллибит тырааныспарбыт кыайыыны чугаһатыыга күүскэ үлэлиэхтэрэ диэн эрэнэбит.

Массыыналар сотору биһиги биир дойдулаахтарбыт сулууспалыыр часстарыгар тиийиэхтэрэ. Маннык көмө буойуттарбытыгар олус наадалаах.