Хаартыска Павел Ксенофонтов архыыбыттан
«Сахатранснефтегаз» АУо байыаннай эпэрээссийэҕэ кытта сылдьар биир дойдулаахтарбытыгар көмөнү оҥоруута салҕана турар. Акционернай уопсастыба генеральнай дириэктэрэ Алексей Колодезников, бу тэрилтэ ЛПУМГ кылаабынай инженерэ, Ил Түмэн дьокутаата Павел Ксенофонтов уонна Гааһы тарҕатар ситимнэр управлениеларын кылаабынай инженерэ Михаил Иванов маннык көмөнү оҥоруохха сөп диэн санаанан салайтараннар, көҕүлээн оҥортороннор, тэрилтэ бу ааспыт ыйга бойобуой усулуобуйаҕа сөптөөх буржуйка оһохтору инники кирбиигэ сылдьар биир дойдулаахтарбытыгар ыыппыта.
— «Сахатранснефтегаз» тэрилтэтэ байыаннай эпэрээссийэҕэ кытта сылдьар биир дойдулаахтарбытыгар көмөнү оҥоруута салҕана турар. Бу ааспыт ыйга бойобуой усулуобуйаҕа сиргэ-уокка илдьэ сылдьарга табыгастаах буржуйка оһохтор уочараттаах баартыйаларын ыыттыбыт. Маннык 16 оһох инники кирбиигэ судаарыстыбабыт уонна дойдубут интэриэһин туруулаһа сылдьар буойуттарбытыгар тиксэрилиннэ.
Инники эмиэ маннык оҥорторон ыыппыппыт курдук, бу оһохтор туһаныыттан тахсыбыт гаас баллуоннарыттан оҥоһуллубуттара. Гаас баллуонун ыстаала олох үчүгэй хаачыстыбалаах буолан, итиийииттэн, быһыта-хайыта түһүүттэн иҥин туругун уларыппат, алдьаммат.
Инники кирбиигэ байыаннай эпэрээссийэҕэ кыттар буойуттарбыт биир дойдулаахтарын өйөбүлүн, кыһамньытын билиилэрэ кинилэргэ күүстэригэр күүс эбэр. Бу оһохторбут кинилэр төрөөбүт дойдуларын сылаас тыынынан илгийдиннэр, абырыы, арчылыы сырыттыннар. «Сахатранснефтегаз» инникитин да Саха сирин саллааттарыгар уонна кинилэр дьиэ кэргэттэригэр күүс-көмө буола туруо, – диир «Сахатранснефтегаз» АУо ЛПУМГ кылаабынай инженерэ, Ил Түмэн дьокутаата Павел Ксенофонтов.
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…