Буойуттарга пааматынньык оҥорорго 10 киилэттэн тахса манньыаты хомуйдулар

Дьокуускай олохтоохторо уонна ыалдьыттара Аҕа дойду Улуу сэриитин кыайыылаахтарыгар анаммыт пааматынньыгы оҥорууга диэн сэбиэскэй манньыаттары туттардылар. Манньыат уопсай ыйааһына 10,2 киилэ буолбут. Маны сотору кэминэн Москваҕа ыытыахтара.

Бу бүтүн норуот аахсыйата «Россия — моя история» историческай пааркаҕа уонна Ем.Ярославскай аатынан Саха түмэлигэр ыытылынна.

Пааматынньык бүтүн дойду үрдүнэн уонна тас дойдулартан эмиэ хомуллубут манньыаттартан уһаарыллан оҥоһуллуоҕа. Кыайыы 80 сылын иннинэ Москваҕа Кыайыы пааркатыгар туруоруохтара.