Хаартыска: үлэ, социальнай сайдыы министиэристибэтин пресс-сулууспата.
Соторутааҕыта Социальнай хааччыйыы кэлим киинин үлэһиттэрэ дьиэтэ-уота суох дьоҥҥо анал аахсыйа оҥордулар. Ол курдук, кинилэр сөбүлээн мустар сирдэригэр — автовокзалга, “Столичнай”, “Белое озеро”, Бааһынай, Үрүттээх ырыынактарга тиийэн, итии аһылыгынан хааччыйдылар, бэсиэдэлэри ыыттылар. Бу маннык аахсыйалары кэмиттэн кэмигэр ыыта тураллар.
Бу эриэйдэ түмүгүнэн, 29 киһи, ол иһигэр: 9 дьахтар, 20 эр киһи кэлэн, аахсыйаҕа кытыннылар. Кинилэртэн: 35 сааһыгар диэри – 6 киһи, 36-45 саастаах – 8 киһи, 46-55 саастаах – 8 киһи, 56-тан үөһэ саастаах – 7 киһи баар. Биэс киһи улуустартан кэлбиттэр, уоннааҕылара – куорат дьоно.
“Тоҕо маннык ускул-тэскил сылдьаҕын?” диэн ыйытыыга үгүстэр дьиэлэрэ суоҕун, докумуоннарын сүтэрбиттэрин, хаайыыттан тахсан баран, барар-кэлэр сирдэрэ суоҕун, уо.д.а. ыйбыттар.
Бүгүҥҥү күҥҥэ, аахсыйа түмүгүнэн, 3 киһини “Тирэх” социальнай кииҥҥэ киллэрбиттэр.
Бу маннык аахсыйа сыала-соруга – ускул-тэскил сылдьар дьоҥҥо быстах кэмҥэ да буоллар, аһынан-таҥаһынан көмөлөһүү. Кыһалҕалаах дьону “Тирэх” социальнай кииҥҥэ киллэрэн, сууйан-тараан, эмтээн, докумуоннарын, биэнсийэлэрин оҥорторон биэрэллэр. Ону тэҥэ, сорох дьон инбэлииккэ тахсалларыгар, интэринээт-дьиэҕэ киирэллэригэр көмөлөһөллөр, үгүстэргэ үлэ булан биэрэллэр. Юрист уонна психолог өҥөлөрө эмиэ баар. Онон, олохторун суолун көннөрөллөрүгэр көмө оҥоһуллар.
СӨ үлэҕэ, социальнай сайдыыга министиэристибэтин пресс-сулууспата.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…