Үлэһит киһи туһунан кэмигэр ахтар-саныыр, махтанар наада дии саныыбын.
Атамайга 1953 сыллаахха буоста аһыллыбыта. Онтон 1960 сыл сибээс, төлөпүөн ситимэ тардыллыбыта. Ханнык баҕарар тэрилтэ сибээстээх буоллаҕына, үүнэр-сайдар. Буоста үлэтин сүрүн хайысхатын, нэһилиэнньэни араас өҥөнөн хааччыйыы буолар. Ол курдук хаһыаттарга, сурунаалларга сурутуу, тиэрдии, баһыылкалары тутуу, биэнсийэ, босуобуйа төлөөһүнэ, тиэрдиитэ, ону тэҥэ табаар, ас-үөл араас көрүҥүн атыыта буоста начаалынньыгын үлэтин эбээһинэһигэр киирэр.
Нэһилиэккэ 2019 сылтан буоста начаалынньыгынан элбэх оҕолоох ийэ Луиза Васильева таһаарылаахтык үлэлии сылдьар. Маныаха сыллата бу үлэҕэ ирдэбил, отчуот үрдээн, элбээн иһэр. Ону Луиза Яковлевна барытын сааһылаан, кэмигэр бүтэрэн туттарар. Кини бары кыһамньытын, сатабылын ууран туран үлэлиир, дьоҥҥо-сэргэҕэ истиҥ, эйэҕэс сыһыаннаах буолан куруук хайҕалга сылдьар, дьон-сэргэ махталын ылар. Билиҥҥи көмпүүтэр үйэтигэр кырдьаҕастар билбэттэрэ-көрбөттөрө элбэҕэ ханна барыай. Онуоха сүрдээх судургутук, өйдөнүмтүөтүк быһааран, сүбэлээн-амалаан биэрэрэ үөрдэр. Аны, үлэтин, бириэмэтин аттаран, нэһилиэк уопсастыбаннай олоҕор-дьаһаҕар көхтөөхтүк кыттар. Ол курдук «Күндүүнэ» үҥкүү, «Айыллаана» ырыа ансаамбылларын биир көхтөөх кыттааччыта.
Сайаҕас майгылаах, истиҥ-иһирэх санаалаах Луиза Яковлевнабытыгар бары үтүөнү баҕарабыт. Ылсыбытыҥ ыпсан истин, кэрэ санаа кэккэлэстин.
Валентина Яковлева,
Горнай.
Хаартыскаҕа ааптар түһэриитэ.
Нам улууһугар сааскы халаан содулун туоратар үлэлэр саҕаланнылар. Бүгүн, ыам ыйын 20 күнүн күнүс 12:00…
Саха сирин үгүс оройуоннарыгар оттук сезона бу нэдиэлэҕэ түмүктэниэҕэ. Онуоха оттук сезона +8С кыраадыс 5…
Хатастааҕы «Ситим» айымньы дьиэтин үлэһиттэрэ 8-с №-дээх Хатас сэлиэнньэтин баһаарынай чааһын баһаары утары сэрэтэр үлэҕэ…
Саха сиригэр оҕону 1,5 сааһыгар диэри көрөн, үлэлээбэккэ олорор 574 киһи ый аайы төлөнөр босуобуйаны…
Саха сиригэр Ил Дархан ыйааҕыгар уонна атын нуорма аахталарыгар олоҕуран, байыаннай сулууспалаахтарга – анал байыаннай…
Саха сирин бырабыыталыстыбатын бэрэссэдээтэлин бастакы солбуйааччы Дмитрий Садовников сарсыарда ыам ыйын 20 күнүгэр Саха сиригэр…