Буоста Саҥа дьыллааҕы бырааһынньыктарга биэнсийэни уонна социальнай төлөбүрдэри тиэрдии кыраапыгын биллэрдэ

«Почта России» Саҥа дьыллааҕы бырааһынньыктар иннилэринэ биэнсийэни уонна социальнай төлөбүрдэри тиэрдии бэрээдэгин туһунан иһитиннэрэр.

Ахсынньы ыйдааҕы төлөбүрдэри биэнсийэлээхтэргэ олохтоммут кыраапык быһыытынан ахсынньы устата тиэрдиэхтэрэ. Саҥа дьыллааҕы бырааһынньыктарга буоста үлэһиттэрэ биэнсийэни уонна социальнай төлөбүрдэри эһиил тохсунньу 3 күнүттэн буоста салааларын үлэтин кыраапыгын учуоттаан тиэрдэн саҕалыахтара.

«Почтиа России» Социальнай пуонда эрэгийиэннээҕи салааларын кытта сөбүлэһиллибит кыраапык быһыытынан,  бары төлөбүрдэри кэмигэр тиэрдиини хааччыйыаҕа. Бу бары эрэгийиэн уратыларын учуоттааһыны уонна үлэ тохтооботун мэктиэлиир.