Буран муус анныгар түстэ!

Үөһээ Халыма оройуонугар, алтынньы 28 күнүгэр, Зырянкаттан 40 км тэйиччи сиргэ Халыма өрүскэ икки киһилээх буран муус анныгар түспүт.

Ол түмүгэр биир киһи өлбүт. Иккиһэ биэрэккэ тахсан көмөнү ыҥырбыт. Алтынньы 29 күнүгэр эмсэҕэлээбит киһини Зырянка бөһүөлэгэр аҕалбыттар, киниэхэ мэдиссиинэ көмөтө оҥоһуллубут. Бүгүн, алтынньы 31 күнүгэр, быһылаан тахсыбыт сиригэр Дьокуускайтан Быыһыыр сулууспаттан түөрт киһилээх водолазтар бөлөхтөрө көмөҕө көттө. ууга түспүт киһини көрдүөхтэрэ.

Билигин чараас мууска сылдьыы, айаннааһын кутталлаах, сэрэхтээх. Суһал көмөҕө ыҥырыы нүөмэрэ 112 эбэтэр быыһыыр сулууспа дьуһуурунайын нүөмэрэ (4112) 45-90-19