Бурхаат тус архыыбын хаартыската туһанылынна
Таатта улууһун Дьүлэй нэһилиэгиттэн сылдьар Бурхаат бу күннэргэ дойдутугар кэлэн сынньана сылдьар.
Бэлиэтээн суруйдахха, байыаннай дьайыыга сулууспалыы сылдьар Бурхаат хорсун быһыыны оҥорон инники кирбиигэ киирсэр түгэннэрин бүтүн дойду олохтоохторо көрбүттэрэ. Пулеметчик Бурхаат хорсун быһыытын үөһэттэн устуулар туоһулаабыттара. Ити киирсиигэ кини иккитэ таптаран да баран, тохтообокко киирсэн хорсун быһыыны оҥорбута.
Ол курдук бэҕэһээ, атырдьах ыйын 12 күнүгэр улуус дьаһалтатыгар уолбутун көрсүбүттэр. Баһылык Айаал Бурцев Ил Дархан оҥотторбут саха быһаҕын уонна махтал суругу туттарда. Бу туһунан Бурхаат ийэтэ Варвара Николаевна Максимова санаатын үллэһиннэ:
— Уолум атырдьах ыйын 8 күнүгэр дойдутугар сынньана кэлбитэ. Бэҕэһээ улуус баһылыгын көрсө киирэ сырыттыбыт. Олус үчүгэйдик көрүстүлэр. Улууспут баһылыга Айаал Семенович Бурцев, ону сэргэ тэрилтэ бары салайааччылара сэргэх көрсүһүүнү тэрийдилэр. Алгыс тылларын эттилэр уонна Ил Дархан оҥотторбут саха быһаҕын, махтал суругу туттардылар. Көрсүһүү кэнниттэн тута Баайаҕаҕа айаннаабыппыт. Онно тиийэн моҕол ураһаны көрдүбүт, этно-култуурунай түмэлгэ сырыттыбыт. Баайаҕа нэһилиэгин баһылыга Александр Романович, Борис Федорович — Мандар Уус, Николай Иванович — Баайаҕыын бары олус үчүгэйдик көрүстүлэр. Уолбун Борис Федорович — Мандар Уус алҕаан, атах тэпсэн олорон ирэ-хоро кэпсэтэн астынныбыт аҕай. Бүгүн нэһилиэкпит дьаһалтатыгар көрүстүбүт. Нэһилиэкпит баһылыга Олег Дмитриевич Осипов эмиэ бэрт сэргэхтик көрсөн сахалыы сиэринэн чэй иһэн, ирэ-хоро кэпсэтэн тарҕастыбыт. Уолум дойдутугар кэлэн үөрүү-көтүү, кэпсээн-ипсээн бөҕөтө. Айылҕаҕа сылдьан сынньанан, дойдутун аһын-үөлүн аһаан баран барыахтаах. Арассыыйа Дьоруойа үрдүк аатын ылар наҕараадатын докумуоннара дойдубут Бэрэсидьиэнин дьаһалтатыгар киирэн сыталлар. Күүтэбит, аккаас эҥин суох. Улуус баһылыга уолбар хорсун быһыытын иһин махтанна уонна: «Эн биһиги харахпытыгар, санаабытыгар номнуо Дьоруой буоллуҥ. Хорсун быһыыгар наҕараадаҥ түргэнник кэлэригэр эрэнэбит», — диэтэ. Ийэ киһи оҕобор болҕомтолорун иһин бар дьоммор махтанабын.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…