Сайдам Барыл
Степан Бурнашев уонна Дмитрий Давыдов пандемия кэмигэр устубут “Ыт” диэн ааттаах киинэ альманахтара көрөөччүлэри уонна киинэ кириитиктэрин үрдүк биһирэбиллэрин ылбыта.
Бу күннэргэ Амматтан төрүттээх режиссердар киинэ хомуурунньугун салгыыр кылгас устуоруйалары устууну саҕалаатылар. Иккис альманах бастакы айымньыны кытта аатынан дьүөрэлэһэр — “Эт” диэн буолар. Бастакы хомуурунньукка дэриэбинэ олоҕуттан көстүүлэри хоһуйар кэпсээннэр киирбиттэрэ, бу сырыыга ити курдук кылгас устуоруйалар Дьокуускайга уһуллуохтара.
Кылгас аат эмиэ икки суолтаны таайтарар. Өскөтүн “Ыт” нууччалыы “стреляй” уонна “собака” диэн суолталаах эбит буоллаҕына, саҥа хомуурунньук аата “Эт” — “мясо” уонна “скажи” диэн өйдөбүллэри түмэр омоним.
Бу уус-уран айымньыны «Сайдам Барыл» уонна «СОЛЛАКС» киинэ хампаанньалар, Wink Originals стриминговай сервиһи кытта бииргэ кыттыһан усталлар. Саха киинэтигэр стриминговай сервиһи кытта эрдэттэн үлэлэһии бастакы холобура. Киинэ үбүлээһинигэр Синет СПАРК Саха сиригэр киинэни өйүүр сыаллаах тэриллибит хампаанньа кыттыбыта.
Давыдов даҕаны, Бурнашев даҕаны түргэн туттуулаах режиссердар быһыытынан биллэллэр. Онон бу киинэни быйыл көрөрбүт буолуо.
СӨ Дьокуускай куорат суутугар РФ ХК 111-с ыстатыйатын 1-кы чааһынан (соруйан ыар буортуну оҥоруу) көрүллүбүт…
Суукка быһаарыллыбытынан, буруйдаммыт киһи итирик туруктаах сылдьан массыынаны ыыппыта биллибит. Онон, РФ ХК 264.1 ыст.…
Госдуумаҕа адаптивнай больничнай туһунан сокуон бырайыагын киллэрээри гыналлар, оччоҕо үлэһит ыалдьа олорон үлэлиир кыахтанар, хамнаһыгар…
Бэйэлэрин тула дьону түмэр, хамсатар, уопсастыбаннай үлэнэн дьарыктанан, тулалыыр эйгэлэрин тупсарар дьон баар буолаллар. Эдэр…
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …