Хаартыска: PxHere
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата.
Буруйдаах киһи тралга суоппардаабыт уонна Ленскэйтэн Мииринэй Таас Үрэҕэр рейстэри оҥорбут. Быйыл олунньу ыйга кини кафеҕа олорон Таас Үрэх сэлиэнньэтигэр буровой баазата баарын алҕас истибит. Онно үлэлээбит хампаанньа моҥкурууттаабыт эбит.
Онон олунньуга бу киһи баазаҕа туох баай-дуол хаалбытын көрөргө быһаарыммыт. Айанныан иннинэ автокырааннаах билэр киһитин кытта дуогабардаспыт. Уонна бу кини бас билэр баайа-дуола буолбатаҕын туһунан кистээбит.
Баазаҕа кэлэн баран туох да күрүө-хаһаа, үлэһиттэр суохтарын көрбүт. Манна бульдозер уонна дизельнэй уот ыстаансыйалаах контейнер баар эбит. Кини бульдозертан вандалы утары видеорегистраторы устан ылан быраҕан кэбиспит. Онтон тыраассаҕа тралы тохтотон, Ленскэйгэ 100 000 солкуобайга тиэйэргэ дуогабардаспыт. Билэр киһитин кытта автокыраанынан тиэхиньикэни уонна контейнеры тиэйбиттэр. Онон буруйдаах киһи 5 071 876 солк. хоромньуну оҥорбут.
Суукка бу киһи буруйун толору билиммит. Уорбут мала эмсэҕэлээбиттэргэ төннөрүллүбүт. Дьиэ кэргэнин усулуобуйатын учуоттаан, киниэхэ 3 сыл усулуобунай болдьохтоох накаастабыл олохтоммут, 3 сыл 6 ый кэтээн көрөр болдьоххо.
СӨ Сууттарын холбоһуктаах пресс-сулууспата
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…
Аҕыс уон сыл анараа өттүгэр, аан дойдуну аймаабыт, харах уута тохтуулаах Аҕа дойду Улуу сэриитэ…
Дьокуускай куоракка ааспыт сууккаҕа холуобунай ирдэбил үлэһиттэрэ икки уорууну арыйдылар. ИДьМ пресс-сулууспата суруйарынан, икки ноутбук…