Хаартыска Горнай улууһунааҕы ойуур хаһаайыстыбатын тэрилтэтэ
Саха сиригэр ойуурга уот туруутун бохсууга үлэ эрдэттэн саҕаланар. Ол курдук, нэһилиэнньэ ортотугар өйдөтөр-сэрэтэр үлэни ыытыы хаһааҥҥытааҕар да күүһүрдэ. Онон Саха сиригэр ойуурга баһаар туруутугар буруйдаах киһини булууга көмөлөспүккэ харчынан төлүөхтэрэ.
Өрөспүүбүлүкэ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ иһитиннэрбитинэн, тыаҕа баһаар туруутугар буруйдаах киһи туһунан дьиҥнээх иһитиннэриини быраабы араҥаччылыыр эбэтэр хонтуруоллуур-кэтээн көрөр уорганнарга биллэрбит киһиэхэ 10 тыһыынча солкуобай кээмэйдээх төлөбүрү биэриэхтэрэ.
Быһата, ойуурга тахсыбыт хас баһаар ахсын уонна буруйдаах киһи билиннэҕинэ төлүүллэр. Маныаха ойуурга буолбут биир баһаарга хас да киһи буруйдаах буоллаҕына, муҥутуур төлөбүр 50 тыһыынча солкуобайтан ордубат.
Ону тэҥэ тустаах министиэристибэ этэринэн, уот туруутугар тустаах киһи буруйа бигэргэннэҕинэ, харчынан төлөбүр оҥоһуллар. СӨ Экологияҕа министиэристибэтэ төлүүр.
Таһырдьа итийдэ, онон ойуурга сылдьаргытыгар сэрэхтээх буолуу быраабылатын тутуһуҥ!
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…
“Уһук Илин сулуһа” (“Звезда Дальнего Востока”) сыллата ыытыллар уопсастыбаннай-дьыалабыай бириэмийэҕэ Уһук Илиҥҥэ уонна Арктикаҕа олоххо…
Дьүкээбил туһунан төһө билэҕитий? Дьүкээбил -- айылҕа дьикти уонна ураты көстүүтэ. Дьүкээбил биһиги планетабытыттан сүүстэн…
"Аҕа дойдуну көмүскээччилэр" пуонда филиала байыаннай дьайыы бэтэрээнэ Юлиан Смогайлов "Транснефть-Восток" бөдөҥ бырамыысыланнай хампаанньаҕа үлэҕэ…