Буруйдаах — күүстээх тыал

Бу күннэргэ өрөспүүбүлүкэ үгүс улуустарыгар күүстээх тыал түһэн, тибии тибэн, ордук айанньыттарга харгыстары үөскэттэ. Оттон бэҕэһээ киэһэ Дьокуускайга 20 миэтэрэҕэ диэри күүстээх тыал түһэн, куорат сорох оройуоннарыгар уот арахсыыта бэлиэтэннэ.

«Якутскэнерго» ПАУо Киин электрическэй ситимнэрэ киэһэттэн чөлүгэр түһэрии үлэлэрин ыыттылар.  Ол курдук, туһааннаах үлэҕэ 22 киһилээх алта биригээдэ уонна 8 тиэхиньикэ үлэлээтэ.

Уот технологическай арахсыыта   Мархаҕа, ГРЭС-кэ, Сайсары уокуругар, 203-с микрооройуоҥҥа, 17-с кварталга, Сэргэлээх шоссетын 4-7 км бэлиэтэннэ диэн Киин электрическэй ситимнэр пресс-сулууспалара иһитиннэрдэ.