Буруйу оҥоруу 12 түбэлтэтэ бэлиэтэннэ

Ааспыт сууккаҕа өрөспүүбүлүкэҕэ буруйу оҥоруу 12 түбэлтэтэ таҕыста.

СӨ Борокуратуурата иһитиннэрбитинэн,   Бүлүү улууһугар күүһүлээһин, Хаҥаласка уоруу, Муомаҕа массыынаны күрэтии түбэлтэлэрэ бэлиэтэммит.

Маны таһынан Дьокуускайга, Ленскэйгэ, Алдаҥҥа, Нерюнгрига, Мииринэйгэ түөкүннээһиҥҥэ алта түбэлтэ тахсыбыт. Ол иһигэр Жатай почтатын үлэһититтэн 1,8 мөл. солк.,  Ленскэй биэнсийэлээҕиттэн  700 тыһ. солк. уорбуттар.

5 техногеннай баһаар тахсан, Мииринэй оройуонугар даача умайан,  1961 сыллаах төрүөх дьахтар эчэйини ылбыт.