Буруйу оҥорууга 33 саастаах дьахтар кыттыгастааҕа биллибит

ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи быһаҕынан анньыллыбытын туһунан иһитиннэрии киирбит.

Быһылаан буолбут сиригэр ИДьМ кэтиир сулууспа суһал бөлөҕүн үлэһиттэрэ тиийбиттэр. Полиция үлэһиттэрэ быһаарбыттарынан, буруйу оҥорууга Үөһээ Бүлүүттэн төрүттээх 33 саастаах дьахтар кыттыгастааҕа биллибит.

Эмсэҕэлээччи дьиэтигэр билэр дьахтарын ыҥырбыт. Бииргэ арыгы иһэн баран тыл тылларыгар киирсибэккэ этиһэн турбуттар, дьахтар быһаҕы ылан эр киһи түөһүн туһаайыытынан биирдэ быһаҕынан аспыт. Уонна бэйэтэ суһал көмөнү ыҥырбыт.

Дьокуускайдааҕы силиэстийэлиир управление старшай силиэдэбэтэлэ Холуобунай кодекс 111 ыст. 2 ч. (киһи доруобуйатын соруйан улаханнык эчэтии) холуобунай дьыаланы тэрийбит. Ити туһунан ИДьМ Дьокуускайдааҕы пресс-сулууспата иһитиннэрэр.