Аймаҕа өлбүттээххэ буруйдаахтан моральнай хоромньу ирдэннэ

Суут бириистэптэрин Саха сиринээҕи управлениетын Сунтаар оройуонун отделениетын суут бириистэптэрэ эмсэҕэлээччигэ 350 тыһыынча солкуобай кээмэйдээх моральнай хоромньуну ирдээн ыларга суут быһаарыытын толоруутун хааччыйдылар, диэн Суут бириистэптэрин Саха сиринээҕи управлениетын пресс-сулууспата иһитиннэрэр.

Сунтаар улууһун олохтооҕо буруйу оҥорууттан моральнай хоромньуну төлүүргэ суукка үҥсүбүт. Эмсэҕэлээччи сайабылыанньатыгар буруйдаах аймаҕын өлөрбүтүнэн быһаарбыт. Кини буруйа дакаастанан, Сунтаар оройуонун суута буруйдаахтарга 105-с ыстатыйа 1-кы чааһынан буруйдуур бириигэбэри таһаарбыт.

Иэстээххэ көҥүл өттүнэн төлүүрүгэр болдьох бэриллибит, ол эрээри иэс харчы суумата кэмигэр төлөммөтөх. Онон сибээстээн, моральнай хоромньу толору кээмэйинэн ирдэммит.