Ульяна Захарова хаартыскаҕа түһэриитэ
Бурятияҕа бэйдиэ сылдьар ыттары утутар туһунан быһаарыыны дьокутааттар Норуодунай Хуралларыгар ылыммыттар. Бу туһунан кинилэр «Ариг Ус» сайтарыгар сырдаппыттар.
Дьокутааттар ыттаах хаһаайыттарга кыылы көрүүгэ-истиигэ быраабыланы кэһии иһин ыстарааптары олохтообуттар. Ол курдук хаһаайыннаах ыт көҥүл сылдьарын иһин хаһаайыны 3-5 тыһыынчаҕа диэри ыстарааптыахтара, оттон дуоһунастаах сирэйдэр 100 тыһыынчаҕа тиийэ төлүөхтэрэ. Бурятия өрөспүүбүлүкэтин Норуодунай Хуралын сир боппуруостарыгар уонна аграрнай бэлиитикэҕэ кэмитиэтин бэрэссэдээтэлэ Семен Матхеев: «Бу баазабай сокуону ылыныы кэнниттэн биһиги хонтуруолу күүһүрдүөхпүт, ыттары чииптээһин үлэтигэр кыылы көмүскэһээччилэр санааларын эмиэ учуоттуур буолуохпут, тоҕо диэтэххэ, хас биирдии ыт хаһаайыннаах буолуохтаах. Бэйдиэ сылдьар ыттар тутуллуохтара уонна приютка ый устата олорор буолуохтара. Өскөтүн ити болдьох кэнниттэн ыты ыла хаһаайыттара кэлбэтэхтэринэ, утутар туһунан быһаарыныы ылыныахпыт. Кыылы эрэйтэн-муҥтан босхолооһун курдук ылыныахтаахпыт. Ону таһынан дьоҥҥо хабыр сыһыаннаах, кутталынан суоһуур ыттары суох оҥортуохпут. Уһун кэм устата ыттары приютка иитэн туруоруу олус улахан ороскуоттаах«.
Оттон биһиэхэ бу боппуруос хайдах быһаарыллыай? Салгыы «Саха сирэ» хаһыат кэлэр нүөмэригэр бу туһунан сиһилии ааҕаарыҥ.
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…