Буулдьанан уонна оҕунан ытыыга кыайыылаахтар — Үөһээ Бүлүү улууһун хамаандата

От ыйын 9 күнүгэр Манчаары Оонньууларыгар  буулдьанан ытыыга күрэхтэһиилэр түмүктэннилэр.

Хамаанданан ааҕыыга Үөһээ Бүлүү улууһун ытааччылара кыайдылар. Иккис миэстэни Мэҥэ Хаҥалас, үсүһү Чурапчы улууһун спортсменнара ыллылар. Манчаары Оонньууларын турнирыгар мэтээли ылар иһин 100-тэн тахса киһи кытынна.

Хамаанданан күрэхтэһиигэ үгэс буолбут оҕунан ытыыга Бүлүү улууһун спортсменнара бастаатылар, иккис миэстэҕэ  Таатта (1-кы хамаанда), үһүскэ Чурапчы бэрэстэбиитэллэрэ таҕыстылар. Күрэхтэһиилэргэ 16 улуустан 96 спортсмен кытынна.

Быйыл Таатта улууһугар “Манчаары Оонньуулара” успуорт национальнай көрүҥнэригэр XXII спартакиадаҕа 35 хамаандаттан 1521 спортсмен кыттар, 259 судьуйа уонна 205 волонтер үлэлииллэр. Успуорт 11  национальнай көрүҥнэригэр 196 мэтээл оонньонор.